വാടാനപ്പള്ളി : ദിനംപ്രതി കുതിച്ചുയരുന്ന ഇന്ധന വില വര്‍ധനവില്‍ ഏങ്ങണ്ടിയൂര്‍ മണ്ഡലം കോണ്‍ഗ്രസ് കമ്മിറ്റിയുടെ നേതൃത്വത്തില്‍ പ്രതിഷേധിച്ചു.
ചേറ്റുവ എം.ഇ.എസ് സെന്ററില്‍ പ്രതീകാത്മകമായി പ്രധാനമന്ത്രി നരേന്ദ്ര മോദിയുടെ മുഖം അനാവരണം ചെയ്ത മാസ്‌ക്കണിഞ്ഞ് സ്‌കൂട്ടര്‍ കെട്ടിവലിപ്പിച്ച് പ്രതിഷേധ പ്രഘടനവും യോഗവും നടത്തി.
മണ്ഡലം കോണ്‍ഗ്രസ് പ്രസിഡന്റ് ഉണ്ണികൃഷ്ണന്‍ കാര്യാട്ട്, ഡി.സി.സി അംഗങ്ങളായ മനോജ് തച്ചപ്പുള്ളി, ഇര്‍ഷാദ് കെ. ചേറ്റുവ, ബ്ലോക്ക് കോണ്‍ഗ്രസ് കമ്മിറ്റി ഭാരവാഹികളായ അക്ക്ബര്‍ ചേറ്റുവ, സുനില്‍ നെടുമാട്ടുമ്മല്‍, യു.കെ സന്തോഷ്, എം.കെ സത്യകാമന്‍, ബ്ലോക്ക് എക്‌സിക്യൂട്ടീവ് അംഗം നൗഷാദ് കൊട്ടിലിങ്ങല്‍, യൂത്ത് കോണ്‍ഗ്രസ് മണ്ഡലം പ്രസിഡന്റ് എ.എന്‍ ആഷിക്ക്, പഞ്ചായത്തംഗങ്ങളായ എ.ബി ബൈജു, ഒ.കെ പ്രൈസണ്‍ , നേതാക്കളായ കെ.എ മുഹമ്മദ് റഷീദ്, മനാഫ് തറയില്‍, കെ.പി.ജി നിര്‍മലന്‍, ഡേവിസ് പുലിക്കോട്ടില്‍ നേതൃത്വം നല്‍കി.