ഗൂഡല്ലൂര്‍: ചെന്നായകള്‍ വിഷം അകത്ത് ചെന്ന് ചത്ത സംഭവത്തില്‍ വനം വകുപ്പ് അന്വേഷണം ആരംഭിച്ചു. മുതുമല കടുവാ സങ്കേതത്തിലെ മസിനഗുഡി റെയ്ഞ്ച് പരിധിയിലുള്ള അവരല്ലാതൊട്ടി മടവിലെ വനപ്രദേശത്താണ് നാലു ചെന്നായകളെ കഴിഞ്ഞ ദിവസം ചത്ത നിലയില്‍ കണ്ടെത്തിയത്. സംഭവ സ്ഥലത്തെത്തിയ വനം വകുപ്പ് ഉദ്യോഗസ്ഥരുടെ സംശയത്തെ തുടര്‍ന്ന് ഇവയുടെ ശരീരഭാഗങ്ങള്‍ വിദഗ്ധ പരിശോധനക്കയച്ചിരുന്നു. വിഷം അകത്ത് ചെന്നതാണ് ചാകാന്‍ കാരണമെന്ന പരിശോധനാ ഫലത്തിന്റെ അടിസ്ഥാനത്തിലാണ് വനം വകുപ്പ് കേസെടുത്തിരിക്കുന്നത്.