കരൂപ്പടന്ന: അന്താരാഷ്ട്ര നിലവാരത്തിലേക്ക് ഉയര്‍ത്തുന്ന കരൂപ്പടന്ന ഗവ.ഹയര്‍ സെക്കന്‍ഡറി സ്‌കൂളിലെ കെട്ടിടനിര്‍മാണ ശിലാസ്ഥാപനം ഇന്ന് നടക്കും. ഉച്ചക്ക് രണ്ടിന് മന്ത്രി പ്രൊഫ. സി. രവീന്ദ്രനാഥ് ശിലാസ്ഥാപന കര്‍മം നിര്‍വഹിക്കും. വി.ആര്‍ സുനില്‍കുമാര്‍ എം.എല്‍.എ അധ്യക്ഷനാകും. പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ആദ്യ ഘട്ടത്തില്‍ ഒരു നിയോജകമണ്ഡലത്തിലെ ഒരു സ്‌കൂള്‍ വീതം അന്താരാഷ്ട്ര നിലവാരത്തിലേക്കു ഉയര്‍ത്തും. കൊടുങ്ങല്ലൂര്‍ നിയോജക മണ്ഡലത്തില്‍ ഉള്‍പ്പെട്ട സ്‌കൂളുകളില്‍ കരൂപ്പടന്ന ഗവ. ഹയര്‍ സെക്കന്‍ഡറി സ്‌കൂളാണ് ഇതിനായി തിരഞ്ഞെടുത്തത്.