മലപ്പുറം: കേരളത്തിലെ പൊതുവിദ്യഭ്യാസ മേഖലയെ തകര്‍ക്കുന്ന തരത്തില്‍ എസ്.എസ്.എല്‍.സി, പ്ലസ്ടു പരീക്ഷകള്‍ അട്ടിമറിക്കുന്ന ഇടതുസര്‍ക്കാറിന്റെ സമീപനത്തില്‍ പ്രതിഷേധിച്ച് കെ.പി.എസ്.ടി.എ മലപ്പുറം ജില്ലാ കമ്മിറ്റി പ്രതിഷേധപ്രകടനം നടത്തി.
സംസ്ഥാന വൈസ് പ്രസിഡന്റ് വി.കെ അജിത്കുമാര്‍ ഉദ്ഘാടനം ചെയ്തു.
ഇടത് അനുഭാവ അധ്യാപക സംഘടനകള്‍ക്കും സ്വകാര്യ വ്യക്തികള്‍ക്കും സാമ്പത്തിക ലാഭമുണ്ടാക്കാന്‍ ചോദ്യപേപ്പര്‍ വില്‍പ്പനക്ക് കൂട്ടുനിന്ന വിദ്യാഭ്യാസ മന്ത്രി രാജിവെക്കുന്നത് വരെ  കേരളത്തില്‍ പ്രതിഷേധ സമരങ്ങള്‍ കെ.പി.എസ്.ടി.എ സംഘടിപ്പിക്കും.
കെ അബ്ദുല്‍ മജീദ് അധ്യക്ഷനായി. ടി.ടി റോയ് തോമസ്, കെ.എല്‍ ഷാജു, പി.ടി ജോര്‍ജ്ജ്, സി.ജയേഷ് സംസാരിച്ചു. പ്രതിഷേധ മാര്‍ച്ചിന് വി.കെ ഷഫീക്ക്, പി.കെ മധുസൂദനന്‍, സി.കെ ഗോപകുമാര്‍, ടി.ജെ ജയിംസ്, രാജു ജോസഫ്, ജോയ് മത്തായി, കെ.രഞ്ജിത്ത് പ്രഷീദ്, പി.എം ജോസഫ്, വി.വി വിനോദന്‍, എ.വി ജോയ്, ഇ.പി ചോയിക്കുട്ടി നേതൃത്വം നല്‍കി.