കുറ്റ്യാടി: വര്‍ഷങ്ങളായി പൊട്ടിപ്പൊളിഞ്ഞ് കിടക്കുന്ന പള്ളിയത്ത് മാണിക്കോത്ത് താഴപാലം റീ ടാര്‍ ചെയ്യണമെന്ന ആവശ്യം ശക്തമാവുന്നു. പള്ളിയത്തു നിന്ന് വടകരക്കുള്ള എളുപ്പമാര്‍ഗമായ റോഡ് തകര്‍ന്നതോടെ നാട്ടുകാര്‍ ഏറെ പ്രയാസത്തിലാണ്.
 നിറയെ കുഴികളുള്ള റോഡിലൂടെയുള്ള വാഹനഗതാഗതം നിലച്ചിരിക്കുകയാണ്. പാലത്തിന്  കൈവരിയില്ലാത്തത് വലിയ അപകട ഭീഷണിയാണ് ഉയര്‍ത്തുന്നത്. തകര്‍ന്ന റോഡ് റീ ടാര്‍ ചെയ്ത് ഗതാഗതയോഗ്യമാക്കണമെന്ന് പള്ളിയത്ത് ശാഖ മുസ്‌ലിം ലീഗ് കമ്മിറ്റി ആവശ്യപ്പെട്ടു. എ.പി അബ്ദുള്ള, പയിക്കണ്ടി അമ്മദ്, എം.കാസിം, കെ.കെ മമ്മി മൗലവി, കെ.വി മൊയ്തു, പി.പി അമ്മദ്, ഇബ്രാഹിം കോട്ടയില്‍ എം.കെ മജീദ് സംസാരിച്ചു.