പേരാമ്പ്ര:  പതിനൊന്ന് മാസം മുന്‍പ്  കൂരാച്ചുണ്ടിലെ കല്ലാനോട് നിന്ന് കാണാതായ 14കാരനെ തമിഴ്‌നാട്ടില്‍ നിന്ന് കണ്ടെത്തി. കല്ലാനോട് ഇരുപതെട്ടാംമൈലില്‍ തൈയ്യില്‍ ജെറ്റില്‍ ജോസിന്റെ മകന്‍ മനുജിത്തിനെയാണ് കണ്ടെത്തിയത്. 2016 ഏപ്രില്‍ 13നാണ് മനുജിത്ത് നാടുവിട്ടത്. വെള്ളിയാഴ്ച കുട്ടി മാതാവ് ജെറ്റിലിന്റെ ഫോണിലേക്ക് വിളിക്കുകയായിരുന്നു.
 തുടര്‍ന്ന്  മാതാവും കേസന്വേഷിച്ച കൂരാച്ചുണ്ട് പൊലിസിലെ എ.എസ്.ഐമാരായ ബാലകൃഷ്ണന്‍, മോഹനകൃഷ്ണന്‍ എന്നിവരും തമിഴ്‌നാട് നാഗപട്ടണത്തെ ഉള്‍ഗ്രാമമായ സീര്‍ഗാസിയിലെ ഒരു കര്‍ഷകന്റെ വീട്ടില്‍ കഴിയുകയായിരുന്ന വിദ്യാര്‍ഥിയെ കൂട്ടിക്കൊണ്ടുവരികയായിരുന്നു.
ഞായറാഴ്ച രാവിലെ പേരാമ്പ്ര സി.ഐ സുനില്‍കുമാറിന്റെ സാന്നിധ്യത്തില്‍ കുട്ടിയെ മാതാവിന് കൈമാറി.