കൂറ്റനാട്: പണി പുരോഗമിക്കുന്ന തൃത്താല കൂറ്റനാട് റോഡിന്റെ നിര്‍മാണ പ്രവര്‍ത്തനങ്ങളില്‍ അപാകതയുടെന്നു ചൂണ്ടിക്കട്ടി പൊതുമരാമത്തു വകുപ്പ് മന്ത്രിക്ക് പരാതി.
പൊതു പ്രവര്‍ത്തകനായ പാദുക നൗഷാദാണ് പരാതി നല്‍കിയത്.
കൂറ്റനാടു നിന്നും തൃത്താല വരെയുള്ള അഞ്ചു കിലോമീറ്റര്‍ റോഡ് റബറൈസ്ഡ് ചെയ്യുന്നതിന്റെ നിര്‍മാണ പ്രവര്‍ത്തനങ്ങളാണ് നടന്നു കൊണ്ടിരിക്കുന്നത്.
കാലപ്പഴക്കം ചെന്ന ഓവ് പാലങ്ങളും കലുങ്കുകളും പുനര്‍നിര്‍മിക്കുകയും ഇലക്ട്രിക് പോസ്റ്റുകള്‍ മാറ്റി സ്ഥാപിക്കുകയും ചെയ്യുന്നതുള്‍പ്പടെയുള്ള പ്രവര്‍ത്തനങ്ങള്‍ക്കാണ് നിര്‍മാണാനുമതി നല്‍കിയിട്ടുള്ളത് എങ്കിലും കലുങ്കുകള്‍ പുതുക്കി പണിയുവാനോ ഓവ് പാലങ്ങള്‍ പുതുക്കി പണിയുവാനോ ഇലക്ട്രിക്ക് പോസ്റ്റുകള്‍ പൂര്‍ണമായും മാറ്റി സ്ഥാപിക്കുവാനോ പദ്ധതി ഏറ്റെടുത്തവര്‍ തയാറായിട്ടില്ല.
ഇത് മൂലം പലയിടങ്ങളിലും റോഡ് വീതി കൂട്ടുന്ന പ്രവര്‍ത്തി തടസപ്പെടുകയും ഇലക്ട്രിക് പോസ്റ്റുകള്‍ റോഡിനൊപ്പം നില്‍ക്കുകയും ചെയ്യുന്ന അവസ്ഥയാണ്.
എസ്റ്റിമേറ്റില്‍ പറഞ്ഞ പ്രകാരം കുറ്റമറ്റ രീതിയില്‍ നിര്‍മാണ പ്രവര്‍ത്തനങ്ങള്‍ നടത്താന്‍ ഇടപെടലുകള്‍ നടത്തണമെന്നാവശ്യപ്പെട്ടാണ് പരാതി നല്‍കിയിരിക്കുന്നത്.