കോട്ടക്കല്‍: പുത്തൂര്‍ ചെനക്കല്‍ ബൈപ്പാസില്‍ അര ലക്ഷം രൂപയുടെ പാന്‍ ഉല്‍പന്നങ്ങളുമായി രണ്ടുപേര്‍ പൊലിസ് പിടിയില്‍. തെന്നല സ്വദേശികളായ ചക്കുങ്ങല്‍ മുഹമ്മദ് കുട്ടി (46), തോണ്ടാലി സൈഫുദ്ദീന്‍ (57) എന്നിവരെയാണ് കോട്ടക്കല്‍ എസ്.ഐ ആര്‍. വിനോദും സംഘവും അറസ്റ്റ് ചെയ്തത്. ഇന്നലെ പാന്‍ ഉല്‍പന്നങ്ങള്‍ വില്‍പ്പന നടത്തുന്നതിനിടെയാണ് പൊലിസ് ഇവരെ പിടികൂടിയത്. ആവശ്യക്കാര്‍ ഇവരെ തേടി ബൈപ്പാസില്‍ എത്തുകയാണ് പതിവ്. ഇതര സംസ്ഥാന തൊഴിലാളികളാണ് ഇവര്‍ക്ക് പാന്‍ ഉല്‍പന്നങ്ങള്‍ എത്തിച്ചുകൊടുക്കുന്നത്. തുടര്‍ന്ന് അധിക വില ഈടാക്കി ആവശ്യക്കാര്‍ക്ക് നല്‍കുകയാണ് പതിവ്.  പുത്തൂര്‍ ബൈപ്പാസും പരിസരവും ലഹരി വില്‍പ്പനയുടെ കേന്ദ്രമായിട്ടും അധികൃതര്‍ വേണ്ട നടപടി സ്വീകരിക്കുന്നില്ലെന്ന ആക്ഷേപം ശക്തമാണ്.