പേരാമ്പ്ര: കേരള അയേണ്‍ ഫാബ്രിക്കേഷന്‍ ആന്‍ഡ് എന്‍ജിനീയറിങ് യൂനിറ്റ് അസോസിയേഷന്‍ (കെ.ഐ.എഫ്.ഇ.യു.എ) പേരാമ്പ്ര ബ്ലോക്ക് കണ്‍വന്‍ഷന്‍ നടത്തി. ദയ ഓഡിറ്റോറിയത്തില്‍ നടന്ന പരിപാടി പേരാമ്പ്ര ബ്ലോക്ക് പഞ്ചായത്ത് വൈസ് പ്രസിഡന്റ് പി.പി കൃഷ്ണാനന്ദന്‍ ഉദ്ഘാടനം ചെയ്തു. ദയ പെയിന്‍ ആന്‍ഡ് പാലിയേറ്റിവ് കെയര്‍ ക്ലിനിക്കിന് അസോസിയേഷന്‍ നല്‍കുന്ന സ്‌നേഹ സാന്ത്വന ഉപഹാരം കിസ്‌കോണ്‍ എം.ഡി ടി. സിദ്ധാര്‍ഥനില്‍ നിന്ന് ദയ ജനറല്‍ സെക്രട്ടറി ഇ.പി കുഞ്ഞബ്ദുല്ല സ്വീകരിച്ചു.
അസോസിയേഷന്‍ ബ്ലോക്ക് പ്രസിഡന്റ് എം.കെ സുരേഷ് അധ്യക്ഷനായി. രാജീവന്‍ മേപ്പയ്യൂര്‍ അനുശോചന പ്രമേയം അവതരിപ്പിച്ചു. സംസ്ഥാന പ്രസിഡന്റ് എന്‍.വി സുകുമാരന്‍, സംസ്ഥാന സമിതിയംഗം എം.കെ കൃഷ്ണന്‍, ഭരതന്‍ പയ്യോളി, രാജേഷ് മേപ്പയ്യൂര്‍, ഷിജു കായണ്ണ, ടി.പി ചന്ദ്രന്‍, സുരേഷ് കടിയങ്ങാട്, ഷാജി മേപ്പയ്യൂര്‍ പ്രസംഗിച്ചു.