ഫറോക്ക്: നോട്ടിസ് ഫോട്ടോസ്റ്റാറ്റ് എടുത്തതിനെ ചൊല്ലി ഫറോക്കില്‍ സി.പി.എം ബി.ജെ.പി സംഘര്‍ഷം. ഇന്നലെ  രാത്രി ഏഴരയോടെ ഫറോക്ക് പ്രീതി  കോംപ്ലക്‌സിനു സമീപത്തെ ഫോട്ടോസ്റ്റാറ്റു കടയില്‍ നിന്നും യുവ മോര്‍ച്ചയുടെ നോട്ടിസ് ഫേട്ടോസ്റ്റാറ്റ് എടുത്തു നല്‍കിയതാണ് സംഘര്‍ഷ ത്തിനു തുടക്കം. ഇതിനെ ചെല്ലി സി.പി.എം പ്രവര്‍ത്തകര്‍  ഫോട്ടോസ്റ്റാറ്റ് ഉടമയെ കടയില്‍ കയറി അക്രമിച്ചുവെന്നാണ് ബി.ജെ.പിയുടെ ആരോപണം. ഇതിനെ തുടര്‍ന്നുണ്ടായ സംഘര്‍ഷത്തില്‍ ഒരു ഓട്ടോറിക്ഷ അടിച്ചു തകര്‍ത്തു. സംഘര്‍ഷ ത്തില്‍ പരുക്കേറ്റ ഒരാളെ ചുങ്കത്തെ സ്വകാര്യ ആശുപത്രിയില്‍ പ്രവേശിപ്പിച്ചിട്ടുണ്ട്.  സംഭവത്തെ തുടര്‍ന്ന് പ്രദേശത്ത് പൊലിസ് സംഘം ക്യാംപ് ചെയ്യുന്നുണ്ട്.