തേഞ്ഞിപ്പലം: മലപ്പുറം വെസ്റ്റ് ജില്ല മൂന്ന് മാസത്തില്‍ ചേരുന്ന ലീഡേഴ്‌സ് പാര്‍ലമെന്റും ഇഫ്താര്‍ സംഗമവും നടത്തി. അത്തിപ്പറ്റ ഫത്തഹുല്‍ ഫത്താഹില്‍ ചേര്‍ന്ന പാര്‍ലമെന്റും ഇഫ്താര്‍ സംഗമവും സംസ്ഥാന പ്രസിഡന്റ് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്തു.
സയ്യിദ് ഫഖ്‌റുദ്ദീന്‍ ഹസനി തങ്ങള്‍ അധ്യക്ഷനായി. വിവിധ മേഖലാ കമ്മിറ്റികള്‍ മൂന്ന് മാസ പ്രവര്‍ത്തന റിപ്പോര്‍ട്ട് അവതരിപ്പിച്ചു. സബ് കമ്മിറ്റികള്‍ അടുത്ത മൂന്ന് മാസ പദ്ധതി പാര്‍ലമെന്റില്‍ സമര്‍പ്പിക്കുകയും ചെയ്തു. കഴിഞ്ഞ മൂന്ന് മാസത്തെ പ്രവര്‍ത്തനങ്ങള്‍ വിലയിരുത്തി മേഖലകള്‍ക്കും വിങ്ങുകള്‍ക്കുമുളള ഗ്രേഡിങ് സയ്യിദ് ഹമീദലി തങ്ങള്‍ പ്രഖ്യാപിച്ചു. സംസ്ഥാന സെക്രട്ടറി സത്താര്‍ പന്തല്ലൂര്‍, സുബൈര്‍ ഹുദവി ചേകനൂര്‍, ആശിഖ് കുഴിപ്പുറം, റഹീം ചുഴലി, കാടാമ്പുഴ മൂസ ഹാജി, ഈസ്റ്റ് ജില്ലാ സെക്രട്ടറി ശമീര്‍ ഫൈസി ഒടമല, ട്രഷറര്‍ നിയാസലി ശിഹാബ് തങ്ങള്‍, അഹമദ് വാഫി കക്കാട്, കെ.ടി ജാബിര്‍ ഹുദവി പടിക്കല്‍, ഷാഫി മാസ്റ്റര്‍ ആട്ടീരി, അനീസ് ഫൈസി മാവണ്ടിയൂര്‍, ജില്ലാ, മേഖലാ ഭാരവാഹികള്‍, സെക്രട്ടേറിയറ്റംഗങ്ങള്‍ പങ്കെടുത്തു. മുഹമ്മദലി മാസ്റ്റര്‍ പുളിക്കല്‍ പാര്‍ലമെന്റ് നിയന്ത്രിച്ചു.