ഗ്രേറ്റര്‍ നോയിഡ(യുപി): നാലു നൈജീരിയന്‍ വിദ്യാര്‍ഥികളെ അക്രമിച്ച സംഭവത്തിന്റെ അലയൊലികള്‍ കെട്ടടങ്ങും മുമ്പു തന്നെ നോയിഡയില്‍ ആഫ്രിക്കന്‍ വനിതക്കു നേരെയും അതിക്രമം. കെനിയക്കാരിയായ യുവതിക്കു നേരെയാണ് അതിക്രമമുണ്ടായത്.  ഓട്ടോ റിക്ഷയില്‍ യാത്ര ചെയ്യുകയായിരുന്ന യുവതിയെ ഒരു സംഘം യുവാക്കള്‍ ചേര്‍ന്ന് വലിച്ച് പുറത്തിടുകയും മര്‍ദ്ദിക്കുകയുമായിരുന്നു.

ആശുപത്രിയില്‍ പ്രവേശിപ്പിച്ച യുവതിയെ പിന്നീട് വിട്ടയച്ചു.

പ്ലസ്ടു വിദ്യാര്‍ഥിയുടെ മരണവുമായി ബന്ധപ്പെട്ടാണ് നൈജീരിയക്കാര്‍ക്കു നേരെ അതിക്രമമുണ്ടായത്. മയക്കു മരുന്നിന്റെ അമിതമായ ഉപയോഗമാണ് വിദ്യാര്‍ഥിയുടെ മരണകാരണമായി പറഞ്ഞിരുന്നത്. ഇവിടെ മയക്കു മരുന്ന് വിതരണം നടത്തുന്നത് ആഫ്രിക്കന്‍ രാജ്യങ്ങളില്‍ നിന്നു വന്നവരാണെന്ന് ആരോപിച്ചാണ് നൈജീരിയന്‍ വിദ്യാര്‍ഥികളെ മര്‍ദ്ദിച്ചത്.