കോഴിക്കോട്: ആരോഗ്യജാഗ്രതാ പരിപാടിയുടെ ഭാഗമായി ഉപയോഗ്യശൂന്യമായ പേനകള്‍ ശേഖരിക്കുന്നതിനായി കലക്ടറേറ്റില്‍ പെന്‍ഡ്രോപ്‌സ് ബോക്‌സുകള്‍ സ്ഥാപിച്ചു. കലക്ടര്‍ യു.വി ജോസ് ഉദ്ഘാടനം ചെയ്തു. ശുചിത്വ മിഷന്‍, ഹരിതകേരള മിഷന്‍, കേരള സ്‌ക്രാപ് മര്‍ച്ചന്റ്‌സ് അസോസിയേഷന്‍ എന്നിവയുടെ സംയുക്താഭിമുഖ്യത്തിലാണ് പദ്ധതി നടപ്പാക്കുന്നത്.
ബോക്‌സുകളുടെ സേവനം കലക്ടറേറ്റിലെത്തുന്ന പൊതുജനങ്ങള്‍ക്കും ഉപയോഗപ്പെടുത്താം.ഹരിതകേരളം ജില്ലാ കോഡിനേറ്റര്‍ പി. പ്രകാശ്, വടകര ആര്‍.ഡി.ഒ പി.പി അബ്ദുറഹ്മാന്‍, സീനിയര്‍ ഫിനാന്‍സ് ഓഫിസര്‍ എം.കെ രാജന്‍, ശിരസ്തദാര്‍ എന്‍. പ്രേമചന്ദ്രന്‍, കെ.എം.എസ്.എ ജില്ലാ പ്രസിഡന്റ് പി.പി മെഹബൂബ്, ജില്ലാ ട്രഷറര്‍ കെ. അറഫാത്ത്, ജില്ലാ ജോയിന്റ് സെക്രട്ടറി കെ. മുഹമ്മദ്, കെ. മുജ്മീര്‍ പങ്കെടുത്തു.