പാനൂര്‍: സമ്മര്‍ദ്ദങ്ങള്‍ നിറഞ്ഞ ആധുനികലോകത്ത് പ്രശ്‌നങ്ങള്‍ക്കുള്ള ഏക പോംവഴി ദൈവത്തോടുള്ള ആത്മാര്‍ഥമായ പ്രാര്‍ഥന മാത്രമാണെന്നും, പ്രാര്‍ഥന കൊണ്ട് പരിഹാരമായ നിരവധി സംഭവങ്ങള്‍ ലോകത്തിന് അനുഭവമാണെന്നും സമസ്ത സിക്രട്ടറി കോയ്യോട് പി.പി ഉമര്‍ മുസ്‌ല്യാര്‍ പറഞ്ഞു. സഹനം, സമരം, സമര്‍പ്പണം, എന്ന പ്രമേയത്തില്‍ സംഘടിപ്പിക്കുന്ന റമദാന്‍ ക്യാംപയിനിന്റെ ഭാഗമായി പാനൂര്‍ മേഖല എസ്.കെ.എസ്.എസ്.എഫ് സംഘടിപ്പിച്ച നാലാമത് റമദാന്‍ പ്രഭാഷണപരിപാടി പാറാട് ജുമാമസ്ജിദിന് സമീപം കോയക്കുട്ടി ഉസ്താദ് നഗറില്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. പി.പി സൂപ്പി അധ്യക്ഷനായി. പാലത്തായി മൊയ്തു ഹാജി, ബാലിയില്‍ യൂസഫ് ഹാജി, മത്തത്ത് അബ്ബാസ് ഹാജി, ഞാലില്‍ ലത്തീഫ്, എ.പി ഇസ്മായില്‍, ആര്‍.വി അബൂബക്കര്‍ യമാനി പ്രസംഗിച്ചു. നുഫൈദ് മേക്കുന്ന് സ്വാഗതവും അലി അക്ബര്‍ നന്ദിയും പറഞ്ഞു. മലനാടിനുമുണ്ടൊരു കഥ പറയാന്‍ എന്ന വിഷയത്തില്‍ മുസ്തഫ ഹുദവി ആക്കോട് പ്രഭാഷണം നടത്തി. മഹ്ശറയിലെ ഭീകര നിമിഷങ്ങള്‍ എന്ന വിഷയത്തില്‍ ഖലീല്‍ ഹുദവി അല്‍ മാലിക്കി (കാസര്‍കോട്) ഇന്ന് രാവിലെ ഒമ്പതിന് പ്രഭാഷണം നടത്തും.