മദീന: കൊവിഡ്-19 വൈറസ് വ്യാപനത്തിന്റെ പശ്ചാത്തലത്തിൽ വ്യവസായ നഗരിയായ യാമ്പുവിൽ പ്രതിസന്ധിയിലായ ഇന്ത്യൻ തൊഴിലാളികൾക്ക് ആശ്വാസവുമായി യാംബു മലയാളി അസോ സിയേഷൻ (വൈഎംഎ ) രംഗത്ത്. രാജ്യത്ത് 'കർഫ്യു' നടപ്പിലാക്കു കയും ചിലയിടങ്ങളിൽ 'ലോക് ഡൗൺ' നിലവിൽ വരികയും ചെയ്‌ത സാഹചര്യത്തിൽ തൊഴിലെടുക്കാൻ കഴിയാത്ത നിരവധി ഇന്ത്യക്കാർ രാജ്യത്ത് കഴിയുന്നുണ്ട്. പല പല രീതിയിൽ പ്രയാസപ്പെടുന്നവരും ഭക്ഷണത്തിന് പോലും വക കണ്ടെത്താൻ കഴിയാത്തവരുമായി ഉണ്ടാകുമെന്നാണ് കരുതുന്നത്.
    ഇത്തരക്കാരെ കണ്ടെത്തി സഹായിക്കാനാണ് വൈഎംഎ സഹായ വാഗ്ദാനവുമായി രംഗത്ത് വന്നത്. പ്രയാസപ്പെടുന്നവരോടൊപ്പം ചേർന്ന് നിന്ന് അവർക്ക് വേണ്ട ആശ്വാസം നൽകാൻ ഈ കൂട്ടായ്മ സന്നദ്ധമാണെന്ന് സംഘാടകർ അറിയിച്ചു. സങ്കീർണമായ ഈ സാഹചര്യത്തിൽ യാമ്പുവിലുള്ള ആർക്കെങ്കിലും ഭക്ഷണം ഉൾപ്പെടെ അത്യാവശ്യ സാധനങ്ങൾ ലഭിക്കുന്നതിന് പ്രയാസം നേരിടുന്നുവെങ്കിൽ യാമ്പു മലയാളി അസോസിയേഷൻ പ്രവർത്തകരായ 056 689 1976 (അബൂബക്കർ മേഴത്തൂർ), 050 898 7407 ( അസ്‌കർ വണ്ടൂർ), 050 854 0029 ( നാസർ നടുവിൽ) എന്നിവരുമായി ബന്ധപ്പെടാവുന്നതാണെന്ന് സംഘാടകർ അറിയിച്ചു.