കരുളായി: ര@ാഴ്ചയിലധികമായി മൂത്തേടം പഞ്ചായത്തിന്റെ വിവിധ ഭാഗങ്ങളില്‍ പരാക്രമം നടത്തുന്ന ഒറ്റക്കൊമ്പനെ പിന്തിരിപ്പിക്കാന്‍ പോയ വനപാലകനു പടക്കം പൊട്ടി പരുക്കേറ്റു. കരുളായി വനം റെയ്ഞ്ചില്‍ ഉള്‍പ്പെടുന്ന പടുക്ക ഫോറസ്റ്റ് സ്റ്റേഷിലെ ബീറ്റ് ഫോറസ്റ്റ് ഓഫിസര്‍ കെ.പി ജിനേഷിനാണ് പരുക്കേറ്റത്.
ഇന്നലെ വൈകിട്ടോടെ ചീനിക്കുന്ന് ഭാഗത്ത് ഒറ്റക്കൊമ്പന്‍ ചക്ക തേടി എത്തിയിട്ടുണ്ടെന്ന വിവരം ലഭിച്ചതിനെ തുടര്‍ന്നാണ് കരുളായി റെയ്ഞ്ച് ഓഫിസര്‍ കെ. രാഗേഷിന്റെ നേതൃത്വത്തിലുള്ള വനപാലകര്‍ സംഭവ സ്ഥലത്തേക്കെത്തിയത്.
ആനയെ പിന്തിരിപ്പിച്ചു വനത്തിനോടു ചേര്‍ന്ന സ്ഥലത്തെത്താറായപ്പോള്‍ ജിനേഷ് കൈയിലു@ായിരുന്ന പടക്കം പൊട്ടിക്കുകയായിരുന്നു. കത്തിപ്പിടിക്കുന്നതിനു മുന്‍പു തന്നെ ഇതു ജിനേഷിന്റെ കൈയില്‍നിന്നു പൊട്ടി കൈക്ക് പരുക്കേല്‍ക്കുകയും ചെവിയുടെ പാടയുടെ മൂന്നു ഭാഗങ്ങളില്‍ മുറിവേല്‍ക്കുകയും ചെയ്തു.
ഉടനെ എടക്കര സ്വകാര്യ ആശുപത്രിയിലും തുടര്‍ന്നു പെരിന്തല്‍മണ്ണ സ്വകാര്യ ആശുപത്രിയിലും ചികിത്സ തേടി. ഒരു ചെവിയുടെ കേള്‍വിക്കു തകരാര്‍ സംഭവിച്ചു.