കണ്ണൂര്‍: ഏപ്രില്‍ രണ്ട്, മൂന്ന്, നാല് തിയതികളില്‍ പാലക്കോട് നടക്കുന്ന ജില്ലാ ഇസ്‌ലാമിക് കലാമേളയുടെ പ്രചാരണാര്‍ഥം സുന്നി ബാലവേദി ജില്ലാകമ്മിറ്റി സംഘടിപ്പിക്കുന്ന അക്ഷരപ്പറവകള്‍ കലാജാഥ നാളെ രാവിലെ 8.30ന് കണ്ണൂര്‍ സിറ്റിയില്‍ നിന്നാരംഭിക്കും. വിവിധ കേന്ദ്രങ്ങളിലെ പര്യടനങ്ങള്‍ക്കു ശേഷം പാലക്കോട് സമാപിക്കും. ജില്ലാ ജംഇയ്യത്തുല്‍ മുഅല്ലിമീന്‍ പ്രസിഡന്റ് മാണിയൂര്‍ അബ്ദുറഹ്മാന്‍ ഫൈസി ഉദ്ഘാടനം ചെയ്യും. ജനറല്‍സെക്രട്ടറി അബ്ദുസമദ് മുട്ടം മുഖ്യപ്രഭാഷണം നടത്തും. സമാപന സമ്മേളനം എ. ഉമര്‍കോയ തങ്ങള്‍ ഉദ്ഘാടനം ചെയ്യും. അബ്ദുല്‍ഷുക്കൂര്‍ ഫൈസി മുഖ്യപ്രഭാഷണം നടത്തും. അഫ്‌സല്‍ രാമന്തളി, സജീര്‍ കാടാച്ചിറ, സുഹൈല്‍ തടിക്കടവ്, അര്‍ഷദ് മണ്ടൂര്‍ എന്നിവര്‍ യാത്രയ്ക്കു നേതൃത്വം നല്‍കും.