ബാഗ്ദാദ്: വടക്കന്‍ ഇറാഖിലെ അംബുഷില്‍ ഇസ്‌ലാമിക് സ്‌റ്റേറ്റ് നടത്തിയ ആക്രമണത്തില്‍ ഒരു കുടുംബത്തിലെ 12 പേര്‍ മരിച്ചു. ശനിയാഴ്ചയാണ് ആക്രമണമുണ്ടായത്. തീവ്രവാദികള്‍ പ്രദേശത്തെ ഒരു വീട് വളഞ്ഞ് ആക്രമിക്കുകയായിരുന്നെന്നാണ് അധികൃതര്‍ അറിയിച്ചത്.  എന്നാല്‍ ആക്രമണത്തിന്റെ കാരണം വ്യക്തമല്ല.

ആക്രമണത്തില്‍ മരിച്ചവരില്‍ കൂടുതലും സ്ത്രീകളും കുട്ടികളുമാണ്. അതേസമയം, ആക്രമണത്തിന്റെ ഉത്തരവാദിത്തം ഇതുവരെയും ഐ.എസ് ഏറ്റെടുത്തിട്ടില്ല. സംഭവത്തില്‍ അധികൃതര്‍ അന്വേഷണം പ്രഖ്യാപിച്ചിട്ടുണ്ട്.