തിരുവനന്തപുരം: കൊല്ലം ജില്ലയില്‍ പ്രവര്‍ത്തിച്ചുകൊണ്ടിരിക്കുന്ന താല്‍ക്കാലിക കോടതികളിലേക്ക് എല്‍.ഡി ക്ലാര്‍ക്ക്, എല്‍.ഡി ടൈപ്പിസ്റ്റ് തസ്തികകളില്‍ കരാര്‍ അടിസ്ഥാനത്തില്‍ നിയമനത്തിന് അപേക്ഷ ക്ഷണിച്ചു. അപേക്ഷകര്‍ അതത് തസ്തികകളിലോ ഉയര്‍ന്ന തസ്തികകളിലോ കേന്ദ്ര, സംസ്ഥാന സര്‍ക്കാര്‍ സര്‍വിസില്‍ അഞ്ച് വര്‍ഷത്തില്‍ കുറയാത്ത പ്രവൃത്തി പരിചയം ഉള്ളവരായിരിക്കണം. പ്രായപരിധി: 60 വയസ്.
ഹൈക്കോടതി നിയമ വകുപ്പ്, അഡ്വക്കേറ്റ് ജനറല്‍ ഓഫിസ്, സബോര്‍ഡിനേറ്റ് ജുഡിഷ്യറി എന്നിവിടങ്ങളില്‍ പ്രവൃത്തി പരിചയം ഉള്ളവര്‍, വിരമിച്ച കോടതി ജീവനക്കാര്‍ എന്നിവര്‍ക്ക് മുന്‍ഗണന. നിയമനം താല്‍ക്കാലിക കോടതികളുടെ കാലാവധിക്ക് വിധേയമായിട്ടായിരിക്കും. 179 ദിവസത്തേക്കോ അല്ലെങ്കില്‍ 60 വയസ് പൂര്‍ത്തിയാക്കുന്നതുവരെയോ ഏതാണോ ആദ്യം, അന്നുവരെ ആയിരിക്കും.
പേര്, ജനന തിയതി, വിലാസം, ഫോണ്‍ നമ്പര്‍, പ്രവൃത്തി പരിചയം, ഒപ്പ് എന്നിവ രേഖപ്പെടുത്തിയ അപേക്ഷകള്‍ പ്രായം, യോഗ്യത, പ്രവൃത്തി പരിചയം എന്നിവ തെളിയിക്കുന്ന രേഖകളുടെ സ്വയം സാക്ഷ്യപ്പെടുത്തിയ പകര്‍പ്പുകള്‍ സഹിതം 15ന് വൈകിട്ട് അഞ്ചിനകം സമര്‍പ്പിക്കണം. ഓരോ തസ്തികയ്ക്കും വെവ്വേറേ അപേക്ഷകള്‍ സമര്‍പ്പിക്കണം.