തിരുവനന്തപുരം: ശശീന്ദ്രന്റെ ഫോണ്‍ സംഭാഷണ വിവാദവുമായി ബന്ധപ്പെട്ട് മംഗളം ചാനലിനെതിരേ ക്രൈംബ്രാഞ്ച് കേസ് രജിസ്റ്റര്‍ ചെയ്തു. ചാനല്‍ സി.ഇ.ഒ അജിത്കുമാര്‍ അടക്കം ഒന്‍പതു പേര്‍ക്കെതിരെയാണ് കേസെടുത്ത്. ജാമ്യമില്ലാ വകുപ്പ് പ്രകാരമാണ് കേസ് രജിസ്റ്റര്‍ ചെയ്തിരിക്കുന്നത്.

കേസില്‍ എഫ്.ഐ.ആര്‍ രജിസ്റ്റര്‍ ചെയ്തു. പ്രത്യേക അന്വേഷണ സംഘമാണ് കേസ് രജിസ്റ്റര്‍ ചെയ്തത്. ഐ.ടി ആക്ട് പ്രകാരം ഗൂഢാലോചന, വ്യാജ രേഖ ചമക്കല്‍,ഇലക്ട്രോണിക് മാധ്യമത്തിന്റെ ദുരുപയോഗം എന്നിവയാണ് പ്രധാന കുറ്റമായി കേസില്‍ രജിസ്റ്റര്‍ ചെയ്തത്.