കോഴിക്കോട്: കൊവിഡ്-19 വ്യാപനത്തിന്റെ പശ്ചാത്തലത്തില്‍ കേരള മദ്‌റസ അധ്യാപക ക്ഷേമനിധി ബോർഡ് അംഗങ്ങള്‍ക്ക് താല്‍ക്കാലിക ആശ്വാസം ലഭ്യമാക്കി കൊണ്ട് സര്‍ക്കാര്‍ ഉത്തരവ്. ക്ഷേമനിധി അംഗങ്ങള്‍ക്ക് 2000 രൂപ അനുവദിച്ചു കൊണ്ടാണ് പുതിയ ഉത്തരവ്.

വൈറസ് രോഗപ്രതിരോധത്തിന് ഭാഗമായി മദ്‌റസകള്‍ ഒരുമാസത്തോളമായി അടഞ്ഞു കിടക്കുകയാണ്. മദ്‌റസാ അധ്യാപനം മാത്രം ഉപജീവന മാര്‍ഗമായി കഴിയുന്ന മദ്‌റസ അധ്യാപകര്‍ക്ക് താല്‍ക്കാലിക ആശ്വാസം ലഭ്യമാക്കുന്നതിനായി ക്ഷേമനിധിയുടെ കോര്‍പ്പസ് ഫണ്ടില്‍ നിന്നു തുക ചെലവഴിക്കാനുള്ള അനുമതി ചീഫ് എക്‌സിക്യൂട്ട് ഓഫീസര്‍ ആവശ്യപ്പെട്ടിരുന്നു. ഇതേ തുടര്‍ന്നാണ് കേരളാ മദ്‌റസാ ക്ഷേമനിധിയുടെ കോര്‍പ്പസ് ഫണ്ടില്‍ നിന്നും 5 കോടി രൂപ സര്‍ക്കാര്‍ അനുവദിച്ചത്.