തിരുവനന്തപുരം: നിപാ വൈറസ് ബാധയെ തുടര്‍ന്ന് ഈ മാസം അഞ്ച്, ആറ് തിയതികളില്‍ തിരുവനന്തപുരം ചന്ദ്രശേഖരന്‍ നായര്‍ സ്റ്റേഡിയത്തില്‍ നടത്താനിരുന്ന 62 ാമത് സംസ്ഥാന സീനിയര്‍ അത്‌ലറ്റിക്‌സ് ചാംപ്യന്‍ഷിപ്പും ഒളിംപ്യന്‍ സുരേഷ് ബാബു മെമ്മോറിയല്‍ കേരള സ്റ്റേറ്റ് യൂത്ത് അത്‌ലറ്റിക്‌സ് ചാംപ്യന്‍ഷിപ്പും മാറ്റിവച്ചു.
12,13 തിയതികളില്‍ മത്സരങ്ങള്‍ അരങ്ങേറുമെന്ന് സംസ്ഥാന അത്‌ലറ്റിക് അസോസിയേഷന്‍ സെക്രട്ടറി പി.ഐ ബാബു അറിയിച്ചു. വേദിയില്‍ മാറ്റമുണ്ടാവില്ല. കേരളത്തിലെ എല്ലാ അത്‌ലറ്റുകളും ഒത്തുചേരുന്ന സാഹചര്യത്തില്‍ നിപാ വൈറസ് മൂലമുള്ള പനി പടരുന്നത് നിയന്ത്രിക്കുകയെന്ന ലക്ഷ്യത്തോടെയാണ് മീറ്റ് മാറ്റി വച്ചതെന്ന് അദ്ദേഹം പറഞ്ഞു.