തിരുവനന്തപുരം: ആലപ്പുഴയിലും കണ്ണൂരിലും സ്‌കൂള്‍ കുട്ടികളുമായി പോയ ബസുകള്‍ മറിഞ്ഞ് അപകടം. 31 വിദ്യാര്‍ത്ഥികളാണ് രണ്ട് ബസുകളിലുമായി ഉണ്ടായിരുന്നത്. ബസിലുണ്ടായിരുന്ന വിദ്യാര്‍ത്ഥികള്‍ക്കാര്‍ക്കും സാരമായ പരിക്കേറ്റിട്ടില്ലെന്നാണ് വിവരം.

ആലപ്പുഴയില്‍ സ്‌കൂള്‍ ബസ് കോടുകുളഞ്ഞി തയ്യില്‍പ്പടിക്ക് തെക്ക്,  മാമ്പ്ര പാടത്തേക്കാണ് ബസ് പാടത്തേക്ക് മറിഞ്ഞാണ് അപകടം. കോടുകുളഞ്ഞി ക്രൈസ്റ്റ് ചര്‍ച്ച് വിദ്യാപീഠം സ്‌കൂള്‍ ബസാണ് അപകടത്തില്‍ പെട്ടത്. 25 ല്‍ അധികം വിദ്യാര്‍ത്ഥികളാണ് ബസ്സില്‍ ഉണ്ടായിരുന്നത്. ആര്‍ക്കും കാര്യമായ പരിക്കുകള്‍ ഇല്ലെന്നാണ് ലഭിക്കുന്ന വിവരം. മറ്റൊരു വാഹനത്തിന് സൈഡ് കൊടുക്കുമ്പോഴാണ് അപകടം ഉണ്ടായതെന്ന് ദൃക്‌സാക്ഷികള്‍ പറയുന്നു.

കണ്ണൂരില്‍ പഴശ്ശി ബഡ്‌സ് സ്‌കൂളിലെ വാഹനമാണ് കാറിന് സൈഡ് കൊടുക്കുന്നതിനിടെ റോഡരികിലെ കുഴിയിലേക്ക് മറിഞ്ഞ് അപകടത്തില്‍പെട്ടത്. ആറ് വിദ്യാര്‍ത്ഥികളാണ് ബസില്‍ ഉണ്ടായിരുന്നത്, ആര്‍ക്കും കാര്യമായ പരിക്കുകളില്ല.

കൊല്ലം പരവൂരില്‍ ഓടിക്കൊണ്ടിരുന്ന സ്‌കൂള്‍ ബസില്‍ നിന്നും പുക ഉയര്‍ന്നു. 31 കുട്ടികളുമായി യാത്ര ചെയ്ത മീയണ്ണൂര്‍ ഡല്‍ഹി പബ്‌ളിക് സ്‌കൂളിന്റെ ബസിലാണ് പുക ഉയര്‍ന്നത്. പുക കണ്ടതോടെ ബസ് നിര്‍ത്തിയ ഡ്രൈവര്‍ നാട്ടുകാരുടെ സഹായത്തോടെ കുട്ടികളെ പുറത്തിറക്കി. ഷോര്‍ട് സര്‍ക്യൂട്ടാണ് അപകടകാരണമെന്ന് സംശയിക്കുന്നു.

Two separate accidents involving school buses have been reported in Kannur and Alappuzha, Kerala, resulting in injuries and damage. Authorities are investigating the causes of the incidents, highlighting concerns over road safety and student transportation.