കോഴിക്കോട്: ജില്ലാ എസ്.കെ.എസ്.എസ്.എഫ് കമ്മിറ്റിയുടെ ആഭിമുഖ്യത്തില്‍ ഇഫ്താര്‍ സംഗമം സംഘടിപ്പിച്ചു. കോഴിക്കോട് അരയിടത്തുപാലത്ത് നടന്ന സംഗമം കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്തു. ജില്ലാ പ്രസിഡന്റ് സയ്യിദ് മുബശ്ശിര്‍ തങ്ങള്‍ ജമലുല്ലൈലി അധ്യക്ഷനായി. സുപ്രഭാതം മാനേജിങ് എഡിറ്റര്‍ നവാസ് പൂനൂര്‍, എക്‌സിക്യൂട്ടീവ് എഡിറ്റര്‍ എ. സജീവന്‍, അബൂബക്കര്‍ ഫൈസി മലയമ്മ, ഹാരിസ് ബാഖവി അബുദാബി, സമദ് പെരുമുഖം, ടി.പി സുബൈര്‍ മാസ്റ്റര്‍, ശുക്കൂര്‍ മാസ്റ്റര്‍, മുസ്തഫ റിയാദ്, കബീര്‍ യാമ്പു, നൂറുദ്ദീന്‍ ഫൈസി, അന്‍വര്‍ അബുദാബി, ഹംസ കുറ്റ്യാടി സംസാരിച്ചു. ജില്ലാ ജനറല്‍ സെക്രട്ടറി ഒ.പി അഷ്‌റഫ് സ്വാഗതവും ഖാസിം നിസാമി നന്ദിയും പറഞ്ഞു.