കിഴിശ്ശേരി : ശുചിത്വ സന്ദേശ ചിത്രങ്ങളുമായി എന്‍.എസ്.എസ് വിദ്യാര്‍ഥികള്‍. കൊണ്ടോട്ടി ഇ.എം.ഇ.എ കോളജിലെ എന്‍.എസ്എസ് പ്രവര്‍ത്തകരാണ് കുറുപ്പത്ത് സബ് രജിസ്ട്രാര്‍ ഓഫിസിന്റെ മതിലുകളില്‍ ശുചിത്വ പരിസ്ഥിതി സംരക്ഷണ സന്ദേശം പകരുന്ന ചിത്രങ്ങള്‍ വരച്ചത്.
അടുത്ത ഘട്ടം കോളജ് കാംപസുകളിലും മതിലുകളിലും സംഘം ചിത്രങ്ങള്‍ വരക്കും. ശുചിത്വ മിഷന്റെ നിര്‍ദേശപ്രകാരമാണ് വിദ്യാര്‍ഥികള്‍ ചിത്രം വരച്ചത്. താല്‍പര്യമുള്ള സര്‍ക്കാര്‍ ഓഫിസ് മേധാവികള്‍ എന്‍.എസ്.എസ് യൂനിറ്റുമായി ബന്ധപ്പെട്ടാല്‍ മതിലുകളില്‍ ചിത്രം വരച്ചു നല്‍കുമെന്ന് അധികൃതര്‍ പറഞ്ഞു.
എന്‍.എസ്.എസ് പ്രോഗ്രാം ഓഫിസര്‍മാരായ മുഹമ്മദ് ഷാഫി, ധന്യ എന്നിവരുടെ നേതൃത്വത്തില്‍ ജോബിന്‍, അക്ഷയ്, നിമേഷ്, അനുവിദ് എന്നിവരാണ് ചിത്രങ്ങള്‍ വരച്ചത്.