കോറോം: കോറോം മഖാം ഉറൂസ് ആരംഭിച്ചു. മഹല്ല് ചെയര്‍മാന്‍ എം.എ മൊയ്തു ഹാജി പതാക ഉയര്‍ത്തി. മഹല്ല് ഖത്തീബ് നൂറുദ്ദീന്‍ ഫൈസി മഖാം സിയാറത്തിന് നേതൃത്വം നല്‍കി.
ഈ മാസം നാലിന് വൈകിട്ട് ഏഴിന് നടക്കുന്ന യുവസംഗമത്തില്‍ റാഷിദ് ഗസ്സാലി കൂളിവയല്‍ പ്രഭാഷണം നടത്തും. അഞ്ചിന് നടക്കുന്ന വനിതാ സംഗമത്തിന് സുലൈഖ ടീച്ചര്‍ നേതൃത്വം നല്‍കും. ആറിന് ഫരീദ് റഹ്മാനി കാളികാവ് മതപ്രഭാഷണം നടത്തും. ഏഴിന് നടക്കുന്ന പ്രാര്‍ഥനാ സംഗമത്തിന് അബ്ദുല്‍ ജലീല്‍ ബാഖവി പാറന്നൂര്‍ നേതൃത്വം നല്‍കും. എട്ടിന് ഉച്ചക്ക് 12ന് മൗലിദ് പാരായണവും മഖാം സിയാറത്തും, അന്നദാനവും സംഘടിപ്പിക്കും.