തോട്ടട: തോട്ടടയില്‍ രണ്ടു വ്യത്യസ്ത സംഭവങ്ങളില്‍ എ.ബി.വി.പി, എസ്.എഫ്.ഐ പ്രവര്‍ത്തകര്‍ക്ക് പരുക്കേറ്റു. എ.ബി.വി.പി പ്രവര്‍ത്തകനായ ചാല അമ്പാടി നിവാസില്‍ സഞ്ജയ്(18)ക്കാണ് ആദ്യം മര്‍ദനമേറ്റത്. തോട്ടട പോളി വിദ്യാര്‍ഥിയായ സഞ്ജയെ ക്ലാസ് കഴിഞ്ഞു വീട്ടിലേക്കു മടങ്ങുമ്പോള്‍ എസ്.എഫ്.ഐ, സി.പി.എം പ്രവര്‍ത്തകര്‍ മര്‍ദിച്ചുവെന്നാണ് പരാതി. ഇതിനു തൊട്ടുപിന്നാലെ എസ്.എഫ്.ഐ, ഡി.വൈ.എഫ്.ഐ പ്രവര്‍ത്തകരായ കുറുവകണിച്ചാന്‍കണ്ടി വീട്ടില്‍ വിജീഷ്, കാഞ്ഞിര പാര്‍വണത്തില്‍ ആദര്‍ശ് എന്നിവര്‍ക്കും മര്‍ദനമേറ്റു. ഇവരെ ബി.ജെ.പി പ്രവര്‍ത്തകര്‍ മര്‍ദിച്ചുവെന്നാണ് പരാതി. മൂവരെയും ജില്ലാ ആശുപത്രിയില്‍ പ്രവേശിപ്പിച്ചു.