ന്യൂഡല്‍ഹി: ഓണ്‍ലൈന്‍ റെയില്‍വേ ടിക്കറ്റ് ബുക്കിങ്ങിന് ജൂണ്‍ 30വരെ സര്‍വിസ് ചാര്‍ജ് ഈടാക്കില്ലെന്ന് റെയില്‍വേ അറിയിച്ചു. ടിക്കറ്റ് റിസര്‍വേഷന്‍ ഡിജിറ്റല്‍ മോഡിലേക്കു മാറ്റുന്നതിനെ പ്രോത്സാഹിപ്പിക്കുന്നതിന്റെ ഭാഗമായാണ് ഇത്. നേരത്തെ കഴിഞ്ഞ നവംബര്‍ 23 മുതല്‍ ഈ വര്‍ഷം മാര്‍ച്ച് 31 വരെ സര്‍വിസ് ചാര്‍ജ് ഈടാക്കില്ലെന്നായിരുന്നു അറിയിച്ചിരുന്നത്. ഇതുസംബന്ധിച്ച നിര്‍ദേശം റെയില്‍വേ മന്ത്രാലയത്തില്‍ നിന്നു ലഭിച്ചതായി ഇന്‍ഫര്‍മേഷന്‍ ആന്‍ഡ് ടെക്‌നോളജി മന്ത്രാലയം അറിയിച്ചു. ഓണ്‍ലൈന്‍ ടിക്കറ്റ് ബുക്കിങിന് 20 മുതല്‍ 40 രൂപവരെ ഈടാക്കാനായിരുന്നു തീരുമാനം.