വെഞ്ഞാറമൂട്: തെരുവുനായയെ ഇടിക്കതിരിക്കാന്‍ ബ്രേക്കിട്ട ആംബുലന്‍സ് മതിലില്‍ ഇടിച്ച് മൂന്നു വയസുള്ള കുട്ടിയടക്കം അഞ്ചു പേര്‍ക്ക് പരുക്കേറ്റു.
വക്കം ഭാമാനിവാസില്‍ രോഗബാധിതയായ അജ്ഞത്(മൂന്ന്) ആംബുലന്‍സിലുണ്ടായിരുന്ന അംബിക(54), പ്രീതിമോള്‍(26), മാധവനിവാസില്‍ പുഷ്പരാജന്‍(65), അനില്‍കുമാര്‍(46) എന്നിര്‍ക്കാണ് പരുക്കേറ്റത്.
ഇന്നലെ പുലര്‍ച്ചെ നാലിന് ആറ്റിങ്ങല്‍ വെഞ്ഞാറമൂട് റോഡില്‍ വലിയകട്ടയ്ക്കാലില്‍ വച്ചായിരുന്നു അപകടം. ആശുപത്രിയിലേക്ക് പോയ ആംബുലന്‍സ് കുറുകെ ചാടിയ നായയെ ഇടിക്കാതിരിക്കാന്‍ വെട്ടിക്കവെ നിയന്ത്രണംവിട്ട് മതിലില്‍ ഇടിക്കുകയായിരുന്നു. വെഞ്ഞാറമൂട് പൊലിസും നാട്ടുകാരും ചേര്‍ന്ന് രക്ഷാപ്രവര്‍ത്തനം നടത്തി. പരുക്കേറ്റവരെ വെഞ്ഞാറമൂട്ടിലെ സ്വകാര്യ മെഡിക്കല്‍ കോളജില്‍ പ്രവേശിപ്പിച്ചു.