തിരൂര്‍: ചോദ്യപേപ്പര്‍ ചോര്‍ച്ചയെ തുടര്‍ന്ന് രണ്ടാമതും കണക്ക് പരീക്ഷ എഴുതേണ്ടി വന്ന എസ്.എസ്.എല്‍.സി വിദ്യാര്‍ഥികള്‍ക്ക് ഗ്ലൂക്കോസ് വിതരണം ചെയ്ത് തിരൂരില്‍ എം.എസ്.എഫ് പ്രതീകാത്മക സമരം.
തിരൂര്‍ ഗവ: ബോയ്‌സ് ഹയര്‍സെക്കന്‍ഡറി സ്‌കൂള്‍, ഏഴൂര്‍ ഗവ: ഹൈസ്‌കൂള്‍ പരിസരങ്ങളില്‍ തിരൂര്‍ മുനിസിപ്പല്‍ കമ്മിറ്റിയുടെ നേതൃത്വത്തിലായിരുന്നു പ്രതീകാത്മക ഗ്ലൂക്കോസ് വിതരണം. വി. മന്‍സൂറലി ഉദ്ഘാടനം ചെയ്തു. എ.കെ മുസമ്മില്‍ അധ്യക്ഷനായി. ആഷിഖ് മരക്കാര്‍, സി.പി ഇബ്രാഹിം ബാദുഷ, സി.പി നജ്മു, മനാഥ് പൂന്തല സംസാരിച്ചു. ഫഹദ് അന്നാര, എം.സി ഫര്‍ഹാന്‍, സി.പി നസ്‌റു, മുബഷീര്‍ പയ്യനങ്ങാടി, മുഹ്‌സിന്‍ കാളാട് നേതൃത്വം നല്‍കി. ഏഴൂര്‍ ഗവ: ഹൈസ്‌കൂളില്‍ നടന്ന പരിപാടി കെ.കെ റിയാസ് ഉദ്ഘാടനം ചെയ്തു. ഷഹീര്‍ ഏഴൂര്‍ അധ്യക്ഷനായി. ഷാഹുല്‍ ഹമീദ്, പി. നിഷാദ്, പി.പി നിഷാദ് സംസാരിച്ചു. സക്കരിയ ഏഴൂര്‍, അനസ് മുത്തൂര്‍, ഹാസിദ് മുത്തൂര്‍ നേത്യത്വം നല്‍കി.