മഞ്ചേരി: തെരഞ്ഞെടുപ്പിലൂടെ കേന്ദ്ര-സംസ്ഥാന സര്‍ക്കാറുകളെ ജനം വിലയിരുത്തുമെന്നും ബി.ജെ.പിക്കും ഇടതുപക്ഷത്തിനു കനത്ത തിരിച്ചടി നേരിടേണ്ടി വരുമെന്നും കോണ്‍ഗ്രസ് നേതാവ് കെ. മുരളീധനന്‍ പറഞ്ഞു. മഞ്ചേരി മേലാക്കത്ത് നടന്ന തെരഞ്ഞെടുപ്പ് പൊതുയോഗത്തില്‍ സംസാരിക്കുകയായിരുന്നു അദ്ദേഹം. വര്‍ഗീയ ഫാസിസ്റ്റു ശക്തികളുടെ ഭരണം ഇന്ത്യന്‍ ജനതക്കും നെറികെട്ട സംസ്ഥാന ഭരണം കേരളീയ ജനതക്കും മടുത്തിരിക്കുകയാണ്. യു.ഡി.എഫിന്റെ തിരിച്ചുവരവിന്റെ ആദ്യഘട്ടമായിരിക്കും യു.ഡി.എഫ് സ്ഥാനാര്‍ഥി പി.കെ കുഞ്ഞാലികുട്ടിയുടെ വിയജമെന്നും കനത്തപരാജയമാണ് ഇടതുപക്ഷത്തേയും ബി.ജെ.പിയേയും കാത്തിരിക്കുന്നതെന്നും അദ്ദേഹം പറഞ്ഞു. അഡ്വ: എം. ഉമ്മര്‍ എം.എല്‍.എ, അഡ്വ: യു.എലത്തീഫ് ,വല്ലാഞ്ചിറ ഷൗക്കത്ത്, വല്ലാഞ്ചിറ ഹുസൈന്‍,ടി.പി വിജയകുമാര്‍,പ്രൊഫ. ഹരിപ്രിയ,അപ്പുമേലാക്കം,അക്ബര്‍മീനായ് തുടങ്ങിയവര്‍ പ്രസംഗിച്ചു.