തൃശൂര്‍: പുതുക്കാട് രണ്ട് നവജാത ശിശുക്കളെയും കൊലപ്പെടുത്തിയത് അമ്മ അനീഷയാണെന്ന് എഫ്.ഐ.ആര്‍. 2021 നവംബര്‍ ആറിനാണ് അനീഷ ആദ്യ കുഞ്ഞിനെ ശ്വാസം മുട്ടിച്ച് കൊന്നത്. 2024 ഓഗസ്റ്റ് 29ന് രണ്ടാമത്തെ കുഞ്ഞിനെയും അനീഷ കൊന്നുവെന്നാണ് കണ്ടെത്തല്‍. 

നേരത്തെ ആദ്യ കുഞ്ഞിന്റേത് സ്വാഭാവിക മരണമാണെന്നയിരുന്നു അനീഷയുടെ മൊഴി. രണ്ടാമത്തെ കുഞ്ഞിനെ കൊന്ന ശേഷം മൃതദേഹം സഞ്ചിയിലിട്ട് ഭവിന്റെ വീട്ടിലെത്തുകയും പറമ്പില്‍ കുഴിച്ചിട്ടെന്നുമാണ് പൊലിസ് പറയുന്നത്. ശേഷം കുട്ടിയുടെ ശാപം കിട്ടാതിരിക്കാന്‍ കുഴി തോണ്ടി അസ്ഥികള്‍ ശേഖരിച്ചെന്നും ഇവര്‍ മൊഴി നല്‍കിയിരുന്നു. 

ALSO READ: ആരോഗ്യ മേഖലയിലെ സര്‍ക്കാര്‍ അനാസ്ഥ;  കോണ്‍ഗ്രസ് സംസ്ഥാന വ്യാപക പ്രക്ഷോഭത്തിലേക്ക്

ഇന്ന് രാവിലെയാണ് നാടിനെ നടുക്കിയ സംഭവം പുറത്തറിയുന്നത്. രണ്ടു തവണയായി ജനിച്ച കുഞ്ഞുങ്ങളെയാണ് കുഴിച്ചിട്ടത്. മാതാപിതാക്കളായ ആമ്പല്ലൂര്‍ സ്വദേശി ഭവിന്‍, വെള്ളിക്കുളങ്ങര സ്വദേശി അനീഷ എന്നിവരെ പൊലിസ് കസ്റ്റഡിയിലെടുത്തു. കുട്ടികളുടെ കര്‍മ്മം ചെയ്യാന്‍ വേണ്ടി സൂക്ഷിച്ച അസ്ഥിയുമായി ഭവിന്‍ സ്റ്റേഷനിലെത്തി സംസാരിച്ചതോടെയാണ് വിവരം പുറത്തുവന്നത്. ഇന്ന് പുലര്‍ച്ചെ രണ്ട് മണിയോടെയാണ് യുവാവ് പൊലിസ് സ്റ്റേഷനിലെത്തിയത്. യുവതിയും യുവാവും വിവാഹം കഴിച്ചിട്ടില്ല. 

അനീഷ നാലു വര്‍ഷമായി ഭവിയുമായി അടുപ്പത്തിലായിരുന്നുവെന്നും, ഗര്‍ഭിണിയാണെന്ന വിവരം അറിഞ്ഞിട്ടില്ലെന്നുമാണ് യുവതിയുടെ അമ്മ നല്‍കിയ മൊഴി. പിന്നീട് ചില തര്‍ക്കങ്ങളെ തുടര്‍ന്ന് ഈ ബന്ധം വേണ്ടെന്ന് വീട്ടുകാര്‍ പറയുകയും ചെയ്തിരുന്നുവെന്നും യുവതിയുടെ അമ്മ പറഞ്ഞു. 

FIR states that the mother Aneesha is responsible for the murder of two newborns in Puthukkad