ദുബൈ: അല്‍ ഐനിലുണ്ടായ വാഹനാപകടത്തില്‍ ഇമാറാത്തി കുടുംബത്തിലെ മൂന്നു പേര്‍ക്ക് ദാരുണാന്ത്യം. അല്‍ റസീന്‍ പ്രദേശത്ത് രാത്രിയാണ് അപകടം ഉണ്ടായത്. സ്വദേശിയായ മധ്യവയസ്‌കനും ഇയാളുടെ മകനും മകളുമാണ് അപകടത്തില്‍ മരിച്ചത്. 

ALSO READ: എമിറേറ്റ്‌സ് എന്‍ബിഡി വഴി ഇന്ത്യയിലേക്ക് സൗജന്യ പണമടയ്ക്കല്‍ തുടരും; ബാങ്കിന്റെ പുതിയ അപ്‌ഡേറ്റ്‌സ് അറിഞ്ഞിരിക്കാം | Emirates NBD Updates

കുടുംബ പരിപാടിക്ക് ശേഷം വീട്ടിലേക്ക് മടങ്ങുന്നതിനിടെയാണ് അപകടം സംഭവിച്ചത്. സ്വകാര്യ വിശ്രമ കേന്ദ്രമായ അസ്ബയില്‍ അത്താഴത്തിനായി ഒത്തുകൂടിയ ശേഷം വീട്ടിലേക്ക് തിരികെ വരികയായിരുന്നു. അപകടത്തില്‍പെടുമ്പോള്‍ പിതാവും നാല് മക്കളും വീട്ടിലെ ജോലിക്കാരിയടക്കം ആറു പേര്‍ വാഹനത്തില്‍ ഉണ്ടായിരുന്നു. അസ്ബയില്‍ നിന്ന് വീട്ടിലേക്കുള്ള യാത്രാമധ്യേ മണ്‍പാതയിലൂടെ സഞ്ചരിക്കുന്നതിനിടെ വാഹനം നിയന്ത്രണം വിട്ട് മറിയുകയായിരുന്നു.

ALSO READ: ടോൾ ഒഴിവാക്കാൻ കുറുക്കുവഴി ഉപയോ​ഗിക്കുന്നവർ ശ്രദ്ധിക്കുക; വലിയ വില നൽകേണ്ടി വരുമെന്ന് അബൂദബി പൊലിസ്

അപകടത്തിനു പിന്നാലെ പിതാവും മകളും മകനും സംഭവസ്ഥലത്തു വെച്ചു തന്നെ മരിച്ചു. മറ്റു യാത്രക്കാരെ പരുക്കുകളോടെ ആശുപത്രിയില്‍ പ്രവേശിപ്പിക്കുകയായിരുന്നു. അപകടത്തില്‍ മരിച്ചവരുടെ മൃതദേഹങ്ങള്‍ അല്‍മതാവ പള്ളിയിലെ പ്രാര്‍ത്ഥനകള്‍ക്ക് ശേഷം ഖബറടക്കി.

A devastating car accident in Al Ain claimed the lives of a father and his two children, leaving three others seriously injured. Authorities are investigating the cause of the crash as the community mourns the heartbreaking loss.