ഡൽഹി: ട്രെയിൻ പുറപ്പെടുന്നതിന് എട്ട് മണിക്കൂർ മുമ്പായി യാത്ര റിസർവേഷൻ ചാർട്ട് അന്തിമമാക്കുന്ന പുതിയ സംവിധാനം നടപ്പിലാക്കാൻ ഒരുങ്ങി ഇന്ത്യൻ റെയിൽവേ. ടിക്കറ്റ് ബുക്കിങ്ങിന് ആധുനിക റിസർവേഷൻ സംവിധാനം അവതരിപ്പിക്കും എന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്.

നിലവിൽ സീറ്റ് ഉറപ്പോയോ എന്ന് സ്ഥിരീകരിക്കുന്ന അന്തിമ ചാർട്ട് ട്രെയിൻ പുറപ്പെടുന്ന സ്റ്റേഷനിൽ നിന്നും യാത്ര തുടങ്ങുന്നതിനു നാലു മണിക്കൂറും മുമ്പായി മാത്രമാണ് തയ്യാറാക്കുന്നത്. സീറ്റുകൾ ഉറപ്പായോ അല്ലെങ്കിൽ ഇപ്പോഴും വെയ്റ്റിംഗ് ലിസ്റ്റിൽ ആണോ എന്നീ കാര്യങ്ങൾ എല്ലാം യാത്രക്കാർക്ക് ട്രെയിൻ പുറപ്പെടുന്നതിന് നാലു മണിക്കൂർ മുമ്പായി മാത്രമേ അറിയാൻ സാധിക്കൂ. 

ഈ സംവിധാനം മറ്റ് യാത്ര മാർഗ്ഗങ്ങൾ കണ്ടെത്താൻ യാത്രക്കാർക്ക് കൂടുതൽ സമയം നൽകും. റിസർവേഷൻ ചാർട്ട് 24 മണിക്കൂർ മുമ്പ് ആകുമെന്നും നേരത്തെ റിപ്പോർട്ടുകൾ നിലനിന്നിരുന്നു. നിലവിൽ ഇന്ത്യൻ റെയിൽവേ രണ്ട് ചാർട്ടുകൾ ആയാണ് തയ്യാറാക്കുന്നത്. ആദ്യ ചാർട്ട് ട്രെയിൻ പുറപ്പെടുന്നതിന് നാലു മണിക്കൂർ മുമ്പായി രണ്ടാമത്തെ ചാർട്ട് ട്രെയിൻ പുറപ്പെടുന്നതിന് അരമണിക്കൂർ മുമ്പാണ് ഉള്ളത്.

Train reservation chart now eight hours in advance Indian Railways to implement new system