ഫറോക്ക്: ചെറുവണ്ണൂര്‍ മോഡേണ്‍ ബസാറില്‍ കടയില്‍ മോഷണം. മോഡേണ്‍ ബസാര്‍ ജങ്ഷനു സമീപം യഅക്കൂബ് അലിയുടെ ഉടമസ്ഥതയിലുളള റോയല്‍ കലക്ഷന്‍ എന്ന ടെക്സ്റ്റയില്‍സ് ഷോപ്പിലാണ് കഴിഞ്ഞ ദിവസം രാത്രി മോഷണം നടന്നത്. കടയുടെ ഷട്ടറിന്റെ പൂട്ട് പൊളിച്ചു അകത്തു കടന്ന മോഷ്ടാവ് മേശ വലിപ്പില്‍ നിന്നും 6,000രൂപ മോഷ്ടിച്ചു. ഷോപ്പില്‍ നിന്നും മറ്റുസാധനങ്ങളൊന്നും കളവുപോയിട്ടില്ല.
തൊട്ടടുത്തുളള മൊബൈല്‍ റീച്ചാര്‍ജ് കടയിലും മോഷണം ശ്രമം നടന്നിട്ടുണ്ട്. നല്ലളം പൊലിസും വിരലടയാള വിദഗ്ധരും സ്ഥലത്തെത്തി തെളിവുകള്‍ ശേഖരിച്ചു.