തലശ്ശേരി: സി.പി.എം- ബി.ജെ.പി സംഘര്‍ഷം നിലനില്‍ക്കുന്ന തലശ്ശേരി ചാലില്‍ പൊലിസ് നടപടി ശക്തമാക്കി. അക്രമവുമായി ബന്ധപ്പെട്ടു ഇരുവിഭാഗങ്ങളിലുമുള്ള 20 പേര്‍ക്കെതിരെ തലശ്ശേരി ടൗണ്‍ പൊലിസ് കേസെടുത്തു. പ്രതികളെ കണ്ടെത്താനായി പൊലിസ് നടത്തിയ പരിശോധനയില്‍ സി.പി.എം ലോക്കല്‍ കമ്മിറ്റിയംഗവും നഗരസഭാ കൗണ്‍സിലറുമായ സുമേഷ് ഉള്‍പ്പെടെ അഞ്ചുപേരെ അറസ്റ്റിലായി. ഇവരെ പിന്നീട് ജാമ്യത്തില്‍ വിട്ടു. അക്രമത്തില്‍ പരുക്കേറ്റ ബി.ജെ.പി പ്രവര്‍ത്തകരായ മണികണ്ഠന്‍, എ.വി വിനീത്, എ. പ്രദീപന്‍, എം. നിരഞ്ജന്‍, എം. ശ്രീദേവി എന്നിവരും സി.പി.എം പ്രവര്‍ത്തകരായ ഗോപാലപേട്ടയിലെ ഷിബിന്‍, വിമല്‍, രാഹുല്‍, ദില്‍നേഷ് എന്നിവര്‍ക്കുമാണ് പരുക്കേറ്റത്. ഇവര്‍ തലശേരി ഇന്ദിരാഗാന്ധി, സഹകരണ ആശുപത്രികളില്‍ ചികിത്സയിലാണ്.