തിരുവനന്തപുരം: സൗജന്യ പലവ്യഞ്ജന കിറ്റ് വിതരണം ഇന്ന് ആരംഭിക്കും. 1000 രൂപയുടെ കിറ്റ് കാര്‍ഡ് രജിസ്റ്റര്‍ ചെയ്ത റേഷന്‍ കടയില്‍ നിന്നു മാത്രമേ ലഭിക്കൂ. ഉപ്പു മുതല്‍ ഉഴുന്നുപരിപ്പു വരെ ഉള്‍പ്പെടുന്ന 17 വിഭവങ്ങളാണ് കിറ്റില്‍ ഉള്ളത്. റേഷന്‍ കാര്‍ഡ് ഉള്ളവര്‍ക്കും ഇല്ലാത്തവര്‍ക്കുമായി 87 ലക്ഷം പേര്‍ക്കു കിറ്റ് ലഭിക്കുമെങ്കിലും ആദ്യഘട്ടത്തില്‍ വിതരണം എഎവൈ (മഞ്ഞ) കാര്‍ഡുടമകള്‍ക്കു മാത്രമാണ്.

1000 രൂപയില്‍ കവിയാത്ത വിലയ്ക്കുള്ള സാധനങ്ങളാണ് കിറ്റില്‍ ഉള്‍പ്പെടുക. സപ്ലൈകോയുടെ മാവേലി സ്റ്റോര്‍, സൂപ്പര്‍മാര്‍ക്കറ്റുകള്‍, ഹൈപ്പര്‍ മാര്‍ക്കറ്റുകള്‍, പീപ്പിള്‍ ബസാര്‍ എന്നീ സ്ഥാപനങ്ങളില്‍ സ്റ്റോക്കുള്ള സാധനങ്ങള്‍ ഉപയോഗിച്ചാണ് ആദ്യഘട്ട കിറ്റുകള്‍ തയാറാക്കുക.