ന്യൂഡല്‍ഹി: സമാജ്‌വാദി പാര്‍ട്ടി മുന്‍ വക്താവായ ഗൗരവ് ഭാട്ടിയ ബി.ജെ.പിയില്‍ ചേര്‍ന്നു. ഡല്‍ഹി ബി.ജെ.പി ആസ്ഥാനത്ത് അനുയായികള്‍ക്കൊപ്പം എത്തിയാണ് അദ്ദേഹം പാര്‍ട്ടിയില്‍ ചേര്‍ന്നത്. ഉത്തര്‍പ്രദേശ് തെരഞ്ഞെടുപ്പിന് മുമ്പ് സമാജ്‌വാദി പാര്‍ട്ടിയില്‍ നിന്നും അദ്ദേഹം പുറത്തുപോന്നിരുന്നു.

ബി.ജെ.പി ദേശീയ അധ്യക്ഷന്‍ അമിത്ഷാ പാര്‍ട്ടി അംഗത്വം നല്‍കി. പ്രധാനമന്ത്രി നരേന്ദ്രമോദിയുടെ വ്യക്തിത്വത്തിലും വികസനപ്രവര്‍ത്തനത്തിലും ആകൃഷ്ടനായാണ് ബി.ജെ.പിയില്‍ ചേരുന്നതെന്ന് ഗൗരവ് ഭാട്ടിയ വ്യക്തമാക്കി.