ജിദ്ദ: മലപ്പുറം സ്വദേശി സഊദിയില്‍ വാഹനാപകടത്തില്‍ മരിച്ചു. നിലമ്പൂര്‍ പൂവത്തൂര്‍മുട്ടില്‍ കുഞ്ഞുമോന്‍ വര്‍ഗീസ് (48) ആണ് അല്‍ഹസ്സ സനയ്യയില്‍ വെച്ചുണ്ടായ വാഹനാപകടത്തിലാണ് മരിച്ചത്. അല്‍ഹസ്സ ഹഫൂഫില്‍ ഇരുപതുവര്‍ഷത്തോളമായി ഫര്‍ണീച്ചര്‍ കട നടത്തിവരികയായിരുന്നു.

കഴിഞ്ഞ ദിവസം കടയിലെ ആവശ്യങ്ങള്‍ക്കായി സനയ്യയില്‍ നിന്നും പ്ലൈവുഡ് വാങ്ങി വാഹനത്തില്‍ ഹഫൂഫിലേക്ക് വരുമ്പോഴാണ് അപകടം. വാഹനത്തിന്റെ മുന്നിലേക്ക് ഒട്ടകം പെട്ടെന്ന് വരികയും കൂട്ടിയിടിയില്‍ വാഹനം അപകടത്തില്‍പ്പെടുകയുമായിരുന്നു. സംഭവസ്ഥലത്ത് എത്തിയ പൊലിസ് കുഞ്ഞുമോനെ ഉടനെ കിങ് ഫഹദ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.

ഭാര്യ: നിര്‍മല. മൃതദേഹം നാട്ടിലെത്തിക്കാനുള്ള നടപടികള്‍ സാമൂഹ്യപ്രവര്‍ത്തകരുടെ നേതൃത്വത്തില്‍ നടന്നു വരുന്നു.