ഈസ്റ്റ് വെള്ളിലാടി: സമസ്ത കേരള ജംഇയ്യത്തുല്‍ മുഅല്ലിമീന്‍ പതിനാലാമത് ദ്വിദിന ജില്ലാ ഇസ്്‌ലാമിക് കലാ സാഹിത്യ മത്സരങ്ങള്‍ക്കെത്തിയ പ്രതിഭകള്‍ക്ക് വിരുന്നൊരുക്കി ഒരു നാട്. ഈസ്റ്റ് വെള്ളിലാടി മഹല്ലിലെ 170 കുടുംബങ്ങളും ഒരുമിച്ച് കുരുന്നുകള്‍ക്ക് വേദിയൊരുക്കിയപ്പോള്‍ ഒരു നാടിന്റെ മനസ്സിനൊപ്പം വിദ്യാര്‍ഥികളുടെ പ്രകടനവും വേറിട്ടതായി. ആയിരത്തോളം വരുന്ന മദ്‌റസ വിദ്യാര്‍ഥികള്‍ക്കും ബന്ധപ്പെട്ട അധ്യാപകര്‍ക്കുമായി രാവിലെ ഒരുക്കിയ ലഘുഭക്ഷണം തന്നെ ഒരു നാടിന്റെ സ്‌നേഹ സമ്മാനമാവുകയായിരുന്നു. ഓരോ വീടുകളില്‍ നിന്നും കൊണ്ടുവന്ന ദോശ, ഇഡ്ഡലി, പൊറോട്ട എന്നിങ്ങനെ വിവിധങ്ങളായ വിഭവങ്ങളുമായി ഈ നാട്ടുകാര്‍ അതിഥികള്‍ക്ക് മാതൃകയാവുകയായിരുന്നു. മുഴുനീള പ്രവര്‍ത്തനങ്ങളുമായി മഹല്ല് കമ്മിറ്റിയും വിദേശത്തും സ്വദേശത്തുമുള്ള യുവാക്കളും, വീടുകളില്‍ പാചക സഹായങ്ങളുമായി കുടുംബിനികളും കാര്യഗൗരവത്തോടെ മുതിര്‍ന്നവരും ഒരു കുറവും വരുത്താതെ കൈമെയ് മറന്ന് ഒരുമിച്ചപ്പോള്‍ നാടിന്റെ പ്രവര്‍ത്തനങ്ങള്‍ മറ്റുള്ളവര്‍ കൗതുകത്തോടെയാണ് വീക്ഷിച്ചത്. സ്വന്തം വീടുകള്‍ തന്നെ പരിപാടികള്‍ക്കായി വിട്ട്‌കൊടുത്ത് മാതൃകകാട്ടിയ ഈ നാടിന്റെ പ്രവര്‍ത്തനം തന്നെയാണ് പരിപാടി വിജയത്തിലെത്തിച്ചത്.

മൂന്നിലും മികവു പുലര്‍ത്തി മുഹമ്മദ് നിയാസ്

ഈസ്റ്റ് വെള്ളിലാടി: ജില്ലാ ഇസ്്‌ലാമിക് കലാമേളയില്‍ സൂപ്പര്‍ സീനിയര്‍ വിഭാഗത്തില്‍ മൂന്നിനങ്ങളില്‍ എ േ്രഗഡും ഒന്നാം സ്ഥാനവും കരസ്ഥമാക്കി മുഹമ്മദ് നിയാസ്. തെങ്ങുമുണ്ട ഹിദായത്തുല്‍ ഇസ്്‌ലാം മദ്‌റസയിലെ വിദ്യാര്‍ഥിയാണ്. തോടന്‍ നാസറിന്റെയും സുബൈദയുടെയും മകനാണ്. സ്‌കൂള്‍ തലത്തില്‍ അറബി പദ്യം ചൊല്ലലില്‍ സംസ്ഥാന തലത്തില്‍ എ ഗ്രേഡ് നേടിയ സുബൈദയുടെ ശിക്ഷണത്തില്‍ തന്നെയാണ് മകന്‍ മികവ് പുലര്‍ത്തുന്നത്. അറബി ഗാനം, സിംഗിള്‍ ഗാനം, പടപ്പാട്ട് എന്നീ വിഷയങ്ങളിലാണ് മുഹമ്മദ് നിയാസിന് ഒന്നാം സ്ഥാനം ലഭിച്ചത്. മുന്‍ ജില്ലാ സ്‌കൂള്‍ കലോത്സവത്തില്‍ മാപ്പിളപ്പാട്ടിന് എ ഗ്രേഡും മദ്‌റസ സംസ്ഥാന മത്സരത്തില്‍ അറബിഗാനത്തില്‍ രണ്ടാം സ്ഥാനവും നേടിയിരുന്നു.

മുഅല്ലിം വിഭാഗത്തിലെ വിജയികള്‍

ഹിസ്ബ് അബ്ദുല്‍ വദൂദ് മുസ്്‌ലിയാര്‍ കല്‍പ്പറ്റ, ഇസ്മായില്‍ സ്വാലിഹി തരുവണ
ഹിഫ്‌ള് ടി.സി അലി അല്‍ഖാസിമി തലപ്പുഴ, അബ്ദുല്‍ കരീം പനമരം
ബാങ്ക് ഇസ്മായില്‍ സ്വാലിഹി തരുവണ, ശറഫുദ്ദീന്‍ നിസാമി പടിഞ്ഞാറത്തറ
ഉറുദു പ്രസംഗം സയ്യിദ് യഅ്ഖൂബ് മൗലവി മാനന്തവാടി
ചാര്‍ട്ട് നിര്‍മാണം ഹുസൈന്‍ മൗലവി മാനന്തവാടി, സിദ്ദീഖ് ഫൈസി പനമരം
ബുര്‍ദാ ആലാപനം മന്‍സൂറുല്‍ ഇസ്്‌ലാം പനമരം ടീം, മുനവ്വിറുല്‍ ഇസ്്‌ലാം പടിഞ്ഞാറത്തറ ടീം
പാഠക്കുറിപ്പ് പി.കെ സൂപ്പി മുസ്്‌ലിയാര്‍ പടിഞ്ഞാറത്തറ, അസൈനാര്‍ മൗലവി കല്‍പ്പറ്റ
മാലപ്പാട്ട് അബ്ദുറസാഖ് ഉലൂമി സുല്‍ത്താന്‍ ബത്തേരി, റാഷിദ് വാഫി റിപ്പണ്‍
ഖുതുബ രചന മുഹമ്മദ് കുട്ടി ഹസനി കമ്പളക്കാട്, ജഅ്ഫര്‍ വാഫി തരുവണ
പ്രബന്ധം ഖാദര്‍ റഹ്മാനി തരുവണ, മുഹമ്മദ് കുട്ടി ഹസനി
മുശാഅറ മുനീര്‍ ദാരിമി കമ്പളക്കാട്, അബ്ദുനാസര്‍ വാഫി സുല്‍ത്താന്‍ ബത്തേരി