കണ്ണൂര്‍: അലമാരയില്‍ സൂക്ഷിക്കാനുള്ളതല്ല പുസ്തകങ്ങളെന്ന് എഴുത്തുകാരന്‍ ടി.പത്മനാഭന്‍ പറഞ്ഞു.
എസ്.എഫ്.ഐ ജില്ലാ കമ്മിറ്റിയുടെ നേതൃത്വത്തില്‍ സംസ്ഥാന സമ്മേളനത്തിന്റെ അനുബന്ധമായി നടത്തുന്ന പുസ്തകയാത്ര ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. കണ്ണൂര്‍ കൃഷ്ണമേനോന്‍ വനിതാ കോളേജില്‍ നടന്ന ഉദ്ഘാടന ചടങ്ങില്‍ ഷിബിന്‍ കാനായി അധ്യക്ഷനായി.
സംസ്ഥാന ജില്ലാ തലത്തില്‍ നടന്ന ഉപന്യാസ മത്സരത്തില്‍ ഒന്നാം സ്ഥാനം കരസ്ഥമാക്കിയ കൃഷ്ണമേനോന്‍ വനിതാ കോളേജിലെ യൂനിയന്‍ ചെയര്‍പേഴ്‌സണ്‍ സി.പി നിരഞ്ജനയ്ക്ക് ടി.പത്മനാഭന്റെ ഏറ്റവും പുതിയ കഥാസമാഹരം മരയ കഥാകൃത്ത് ഉപഹാരമായി നല്‍കി.
ചടങ്ങില്‍ പയ്യന്നൂര്‍ കുഞ്ഞിരാമന്‍ , ലിന്റോ ജോസഫ്, കോളേജ് പ്രിന്‍സിപ്പാള്‍ ഡോ.രജിത, സി.പി.ഷിജു, ഷീമ.ടി.വി.എം, ദിഷ്ണപ്രസാദ്,സംസാരിച്ചു.