കൊച്ചി: എറണാകുളം ടൗണ്‍ഹാളിനടുത്ത് സമൂഹ അടുക്കളയില്‍ നിന്നും ഭക്ഷണം വാങ്ങാനായി ക്യൂ നിന്നവര്‍ക്കിടയിലേക്ക് മിനിലോറി പാഞ്ഞുകയറി അഞ്ചു പേര്‍ക്ക് പരുക്ക്. ഉച്ചയ്ക്ക് പന്ത്രണ്ടോടെയാണ് സംഭവം.

നാട്ടുകാരും അതിഥി തൊഴിലാളിയും വാഹനത്തിന്റെ ഡ്രൈവറും ഉള്‍പ്പെടെയുള്ളവര്‍ക്കാണ് പരുക്കേറ്റത്. ഇവരില്‍ രണ്ടുപേരുടെ നില ഗുരുതരമാണ്. ഇവരെ എറണാകുളം ജനറല്‍ ആശുപത്രിയില്‍ പ്രവേശിപ്പിച്ചു.

അമിതവേഗതയിലായിരുന്ന വാഹനം മരത്തിലിടിച്ചാണ് നിന്നതെന്ന് ദൃക്‌സാക്ഷികള്‍ പറഞ്ഞു.