കണ്ണൂര്‍: സ്‌ഫോടക വാസ്തു പൊട്ടിത്തെറിച്ച് ഒരാള്‍ക്ക് ഗുരുതരപരുക്ക്. കുന്നശ്ശേരില്‍ ഷാജന്‍ തോമസ് എന്നയാള്‍ക്കാണു സാരമായി പരിക്കേറ്റത്. തുടര്‍ന്ന് പോലീസ് നടത്തിയ റെയ്ഡില്‍ അനധികൃതമായി സൂക്ഷിച്ച സ്‌ഫോടക വസ്തുക്കള്‍ ഇവിടെ നിന്നും പിടികൂടി. കേളകം മേലെ കുണ്ടേരിയില്‍ നിര്‍മാണത്തിലിരിക്കുന്ന വീടിന്റെ അടുത്തു സ്ഥിതി ചെയ്യുന്ന താല്‍ക്കാലിക ഷെഡ്ഡില്‍ സൂക്ഷിച്ച രണ്ടു ഇലക്ട്രോണിക് ഡിട്ടനേറ്ററുകളും ഒരു ജലാറ്റിന്‍ സ്റ്റിക്കുമാണ് പോലീസ് പിടികൂടിയത്.

കുന്നശ്ശേരില്‍ ഡയസ് തോമസ് എന്നയാളുടേതാണ് നിര്‍മാണത്തിലിരിക്കുന്ന വീട്. വീട്ടുടമക്കെതിരേ പോലീസ് കേസെടുത്തു. അന്വേഷണം നടത്തിവരുന്നു. കേളകം സബ്ബ് ഇന്‍സ്‌പെക്ടര്‍ ടോണി ജെ മറ്റം, ബിജു, വിനോദ്, വിജേഷ്, ജോളി എന്നിവരുടെ നേതൃത്വത്തിലാണ് റെയിഡ് നടത്തിയത്.