തിരുവനന്തപുരം: ലോക്ക് ഡൗണില്‍ ഇളവു പ്രഖ്യാപിച്ചതോടെ വാഹനങ്ങള്‍ ക്രമാതീതമായി നിരത്തിലെത്തിയെന്നും കര്‍ക്കശ്യം വേണ്ടിടത്ത് കാര്‍ക്കശ്യം കാണിക്കാന്‍ തന്നെയാണ് തീരുമാനമെന്നും മുഖ്യമന്ത്രി പിണറായി വിജയന്‍ പറഞ്ഞു. 

അതിര്‍ത്തികളിലെ ഊടുവഴികളിലൂടെയുള്ള അനധികൃത യാത്ര തടയുന്നതിന് നടപടിയെടുക്കും. വാഹന പരിശോധന കര്‍ശനമായി തുടരുമെന്നും ഹോട്ട്‌സ്‌പോട്ടുകളില്‍ ഇത് കൂടുതല്‍ തീവ്രമാക്കുമെന്നും പൊതുഗതാഗതം ഉണ്ടാകില്ലെന്നും മുഖ്യമന്ത്രി വ്യക്തമാക്കി. 

മറ്റുപ്രധാന കാര്യങ്ങള്‍ ഇങ്ങനെ:

ി  സര്‍ക്കാര്‍ ജീവനക്കാര്‍ക്ക് ഓഫിസുകളിലേക്ക് സ്വന്തം വാഹനത്തില്‍ യാത്ര ചെയ്യാം. ഓഫിസ് അന്യജില്ലയിലാണെങ്കില്‍ ജില്ലാ അതിര്‍ത്തികടന്നുള്ള യാത്രയും അനുവദിക്കും. 

ി  ആവശ്യമായ ജീവനക്കാര്‍ മാത്രം ഹാജരാകുന്ന രീതിയില്‍ പ്രവര്‍ത്തനം ക്രമീകരിക്കാന്‍ ബാങ്കുകളോട് ആവശ്യപ്പെടും. 

ി  സ്റ്റാംപ് വെന്‍ഡര്‍മാരുടെ ഓഫിസുകള്‍ക്ക് രണ്ടുദിവസം ഇളവ് അനുവദിക്കും 

ി  ഡല്‍ഹിയിലുള്ള നഴ്‌സുമാര്‍ക്കായി കേരള ഹൗസില്‍ ഹെല്‍പ്പ് ലൈന്‍ കൗണ്‍സിലര്‍മാരുടെ സേവനം ലഭ്യമാക്കും 

ി നദികളിലെയും ഡാമുകളിലെയും എക്കല്‍ നീക്കാന്‍ നടപടിയെടുക്കും