ഹിദായ നഗര്‍: ദാറുല്‍ഹുദാ ഇസ്‌ലാമിക് സര്‍വകലാശാലാ കാമ്പസിലെയും വിവിധ യു.ജി കോളജുകളിലെയും സെക്കന്‍ഡറി ഒന്നാം വര്‍ഷത്തിലേക്കും വാഴ്‌സിറ്റിക്കു കീഴിലുള്ള ഫാത്വിമാ സഹ്‌റാ വനിതാ കോളജ്, മമ്പുറം സയ്യിദ് അലവി മൗലദ്ദവീല ഹിഫ്‌ളുല്‍ ഖുര്‍ആന്‍ കോളജ് എന്നിവയിലേക്കും പ്രവേശനത്തിനുള്ള അപേക്ഷ ക്ഷണിച്ചു.
സമസ്തയുടെ മദ്‌റസാ അഞ്ചാം ക്ലാസ് മുന്‍വര്‍ഷം പാസായവരോ ഇത്തവണത്ത പൊതു പരീക്ഷക്ക് രജിസ്റ്റര്‍ ചെയ്തവരോ ആയ പതിനൊന്നര വയസ്സ് കവിയാത്ത ആണ്‍കുട്ടിള്‍ക്ക് വാഴ്‌സിറ്റിയിലെ സെക്കന്‍ഡറിയിലേക്കും പന്ത്രണ്ട് വയസ്സ് കവിയാത്തവര്‍ക്ക് യു.ജി കോളജിലേക്കും അപേക്ഷിക്കാം.
സമസ്തയുടെ ഏഴാം ക്ലാസ് മുന്‍വര്‍ഷം പാസായവരോ ഇത്തവണത്തെ പൊതുപരീക്ഷക്ക് രജിസ്റ്റര്‍ ചെയ്തവരോ ആയ പതിമൂന്നര വയസ്സ് കവിയാത്ത പെണ്‍കുട്ടികള്‍ക്ക് വാഴ്‌സിറ്റിയുടെ ഫാത്വിമാ സഹ്‌റാ വനിതാ കോളജിലേക്കു അപേക്ഷിക്കാം. സമസ്തയുടെ മൂന്നാം ക്ലാസ് പൂര്‍ത്തിയാക്കിയ, ഒന്‍പതു വയസ്സ് കവിയാത്ത, ആണ്‍കുട്ടികള്‍ക്ക് മമ്പുറം സയ്യിദ് മൗലദ്ദവീല ഹിഫ്‌ളുല്‍ ഖുര്‍ആന്‍ കോളജിലേക്ക് അപേക്ഷിക്കാം.
മുഴുവന്‍ കോഴ്‌സുകളിലേക്കും വാഴ്‌സിറ്റിയുടെ ഔദ്യോഗിക വെബ്‌സൈറ്റായ www.dhiu.in വഴി ഓണ്‍ലൈനായാണ് അപേക്ഷിക്കേണ്ടത്.
അപേക്ഷകള്‍ സ്വീകരിക്കുന്ന അവസാന തിയതി റമദാന്‍ 25 (മെയ് 18).
വിശദ വിവരങ്ങള്‍ക്ക് 0494 2463155, 2464502,2460575, 8547290575 (ഹെല്‍പ് ലൈന്‍) എന്നീ നമ്പറുകളില്‍ ബന്ധപ്പെടുക.