തൃശൂര്‍: മുന്‍ എം.എല്‍.എയും മുതിര്‍ന്ന സി.പി.ഐ നേതാവുമായി എ.എം പരമന്‍ അന്തരിച്ചു. 92 വയസായിരുന്നു.

മൃതദേഹം 12 മണി മുതല്‍ സി.പി.ഐ ഓഫീസില്‍ പൊതു ദര്‍ശനത്തിന് വെക്കും. സംസ്‌ക്കാരം വൈകുന്നേരം 3.30 ന് പാറമേക്കാവ് ശാന്തിഘട്ടില്‍ നടക്കും.

സി.പി.ഐ സംസ്ഥാന കൗണ്‍സില്‍ അംഗം, എ.ഐ.ടി.യു.സി സംസ്ഥാന വൈസ് പ്രസിഡന്റ് എന്നീ നിലകളില്‍ പ്രവര്‍ത്തിച്ചു. 1987 മുതല്‍ 1992 വരെ ഒല്ലൂര്‍ എം.എല്‍.എ ആയിരുന്നു.

തൃശൂര്‍ ജില്ലയിലെ ആദ്യകാല തൊഴിലാളി നേതാക്കളില്‍ പ്രമുഖനാണ് എഎം പരമന്‍.