മുംബൈ: പ്രശസ്ത ഹിന്ദുസ്ഥാനി സംഗീതജ്ഞ കിഷോരി അമോന്‍കര്‍ (84) അന്തരിച്ചു. പ്രായാധിക്യത്തെ തുടര്‍ന്ന് മുംബൈയിലെ വീട്ടിലായിരുന്നു മരണമെന്ന് കുടുംബാംഗങ്ങള്‍ അറിയിച്ചു.

സംഗീതജ്ഞ മൊഗുബായ് കര്‍ഡികറുടെ മകളാണ് അമോന്‍കര്‍. അല്ലാദിയ ഘാന്‍ സാഹിബ് ആണ് ഗുരു. ജയ്പൂര്‍ ഖരാനയുടെ വക്താവായാണ് അമോന്‍കര്‍ അറിയപ്പെടുന്നത്. ഹിന്ദുസ്ഥാനി സംഗീതത്തില്‍ വ്യതിരിക്തമായ ശൈലിയുള്ള ഒരൂ സംഘം സംഗീതജ്ഞരുടെ കൂട്ടായ്മയാണ് ഖരാന.

ജയ്പൂര്‍  അത്രോളി ഖരാനയിലെ ഭാവസാന്ദ്രമായ ശൈലിയാണ് ഇവര്‍ പ്രധാനമായും ഉപയോഗിച്ചിരുന്നത്. 1987ല്‍ പത്മഭൂഷണും 2002ല്‍ പത്മവിഭൂഷണും നല്‍കി രാജ്യം ആദരിച്ചിരുന്നു.  2010ല്‍ ദേശീയ സംഗീത നാടക അക്കാദമി അംഗമായിരുന്നു.