കാഞ്ഞങ്ങാട്: പുതിയ കാലത്തിന്റെ മാറിയ ചിന്തകള്‍ക്കൊപ്പം സഞ്ചരിക്കുന്നതോടൊപ്പം വിദ്യാഭ്യാസത്തിനു പ്രാധാന്യം നല്‍കി നാട്ടില്‍ തന്നെ തൊഴില്‍ കണ്ടെത്താനുള്ള ശ്രമങ്ങള്‍ വിദ്യാര്‍ഥികള്‍  നടത്തണമെന്നു മുസ്‌ലിം ലീഗ് സംസ്ഥാന പ്രവര്‍ത്തക സമിതിയംഗം മെട്രോ മുഹമ്മദ് ഹാജി. എം.എസ്.എഫ്  യൂനിറ്റ് ഫെസ്റ്റ് ജില്ലാതല ഉദ്ഘാടനം   നിര്‍വഹിക്കുകയായിരുന്നു അദ്ദേഹം.  എം.എസ്.എഫ് ജില്ലാ പ്രസിഡന്റ്   ആബിദ്  ആറങ്ങാടി  പതാക  ഉയര്‍ത്തി. സംസ്ഥാന  പ്രവര്‍ത്തക  സമിതിയംഗം  ഉസാം  പള്ളങ്കോട് ക്ലാസിനു നേതൃത്വം  നല്‍കി. സി.ഐ.എ ഹമീദ് ,  ഇബ്രാഹിം  പള്ളങ്കോട് ,  മുത്തലിബ് ,അബ്ദുറഹ്മാന്‍, കെ.കെ  ഇസ്മായില്‍ , അസ്ഹറുദ്ധീന്‍ എതിര്‍ത്തോട് , പി.വൈ ആസിഫ്, ഖാദര്‍  ആലൂര്‍, റമീസ് ആറങ്ങാടി, ജാഫര്‍ കല്ലഞ്ചിറ, റംഷീദ്  നമ്പ്യാര്‍  കൊച്ചി ,  സാദിഖുല്‍  അമീന്‍ ,  ആത്തിഫ് ,  ഹാരിസ്  ചിത്താരി ,  റംഷീദ്  ചിത്താരി ,  റംഷീദ്  തൊയമ്മല്‍ ,  ഹസ്സന്‍  ആറങ്ങാടി  സംസാരിച്ചു.