തിരുവനന്തപുരം: കുവൈത്തില്‍ ഗാര്‍ഹികജോലികള്‍ക്കായി 30നും 45നുമിടയില്‍ പ്രായമുള്ള സ്ത്രീകള്‍ക്ക് ഇന്നുമുതല്‍ നോര്‍ക്ക റൂട്ട്‌സിന്റെ വെബ്‌സൈറ്റ് ംംം.ിീൃസമൃീീെേ.ില േമുഖേനെ ഓണ്‍ലൈനായി അപേക്ഷിക്കാമെന്ന് ചീഫ് എക്‌സിക്യൂട്ടീവ് ഓഫിസര്‍ അറിയിച്ചു. ആദ്യപടിയായി 500 വനിതകളെ ഉടന്‍ തിരഞ്ഞെടുത്ത് പരിശീലനം നല്‍കുന്നതിന് നോര്‍ക്ക റൂട്ട്‌സും കുവൈത്ത് സര്‍ക്കാര്‍ അംഗീകരിച്ച അല്‍-ദുറ കമ്പനിയും കരാറില്‍ ഒപ്പുവച്ചു. പരിശീലനവും റിക്രൂട്ട്‌മെന്റും സുതാര്യവും സൗജന്യവുമാണ്. ഉദ്യോഗാര്‍ഥികളില്‍നിന്ന് യാതൊരു ഫീസും ഈടാക്കില്ല. ഭക്ഷണം, താമസം, യാത്ര എന്നിവയും സൗജന്യമാണ്. ആദ്യം രണ്ടുവര്‍ഷത്തേക്കാണ് നിയമനം.
കുവൈത്തിലെ ഇന്ത്യന്‍ എംബസി മുഖേനെയാണ് നിയമനം ഏകോപിപ്പിക്കുന്നത്. കൂടുതല്‍ വിവരങ്ങള്‍ക്ക് 0471 233 33 39, 1800 425 3939 എന്നീ നമ്പരുകളില്‍ ബന്ധപ്പെടണം.