ലണ്ടന്‍: മുസ്‌ലിം വിരുദ്ധ ലഘുലേഖ ജനങ്ങള്‍ക്കിടയില്‍ പ്രചരിപ്പിച്ചതിന് യു.കെ തീവ്രവാവാദ വിരുദ്ധ സേന ഒരാളെ അറസ്റ്റ് ചെയ്തു. 'പണിഷ് എ മുസ്‌ലിം ഡെ'എന്ന പേരില്‍ ലഘുലേഖ പ്രചരിപ്പിച്ചതിനാണ് 35 കാരനെ ഇഗ്ലണ്ടിലെ ലിങ്കണില്‍വച്ച് അറസ്റ്റ് ചെയ്തത്. ഇദ്ദേഹത്തിന്റെ പേര് വെളിപ്പെടുത്തിയിട്ടില്ല.
പ്രതിയെന്ന് സംശയിക്കുന്ന ഇയാളെ പൊലിസ് ചോദ്യം ചെയ്തുവരികയാണ്. മുസ്‌ലിംകളെ അക്രമിക്കാന്‍ പ്രേരിപ്പിക്കുന്ന ലഘുലേഖയാണ് മാര്‍ച്ച് മാസത്തില്‍ വ്യാപകമായി വിതരണം ചെയ്യപ്പെട്ടത്.ആക്രമണങ്ങളെ വേര്‍തിരിച്ച് ശക്തി കൂടിയ ആക്രമണങ്ങള്‍ക്ക് കൂടുതല്‍ മികച്ച ഗ്രേഡുകള്‍ ലഘുലേഖയില്‍ നല്‍കുന്നുണ്ട്. തപാല്‍ വഴിയാണ് ലഘുലേഖ ലഭ്യമായത്.